Lukas 8:49 - Ya Baru nga Tulag

⁴⁹ Ket ito agkagkagi pekkem nge̍ Je̍sus, uwed inumbe̍t nga agpadamag, nga gayat iya baley ne̍ Hayru nga pangulu niya gigimungan diya Hudyu. Ket to agpadamag, kinunen na e̍ Hayru, “Natey yin ya anac mu. Orey madi ka tactaken ya Mistru win, a,” kunen na.

Lukas 8:49 Iomraidhean Croise

Matyu 26:10

Ket e̍ Je̍sus, emmu na to kinunen da, ket kinunen na lugud igida, “Ape̍ nga riribuken nu yani nga babey? Nabaru met ya nipaay na iyaken.

Matyu 9:18

Ket ito madama pekkem nga agkagkagi nge̍ Je̍sus igida maipanggep iyan, uwed met inumbe̍t nga isa nga pangulu diya Hudyu. Ket nagparintumeng iya sangu ne̍ Je̍sus nga kinunen na, “Katkatey ngas niya balasitang ku. Ngem umbe̍t ka kuma, nga mangipatey iya imam igina, ket mabiyag,” kunen na.

Markus 5:22

Ket uwed met inumbe̍t nga isa nga pangulu niya gigimungan diya Hudyu, nga agnagan ka Hayru. Ito nasingen na nge̍ Je̍sus, nawe̍ met nagdarongkeb iya sangu na,

Lukas 11:7

“Kaspagarigan ta sumungbat kuma ya gayyem mu nga uwed iya uneg niya baley na, nga kunen na, ‘Di nac kuma ringringguren nin, ta naigiset tin ya ruwangan, ket nakaida kamin diya anac ku. Madi yac mabalin ya bumangunin nga mange̍cde̍ iya masapul mu,’ kunen na kuma.

Lukas 7:6

Ket nibulun ngarud nge̍ Je̍sus igida. Ket ito denni yin nge̍ Je̍sus iya baley nito kapitan, nibon met nito kapitan diya gagayyem na, tasun mawe̍ da ibaga ya bilin na e̍ Je̍sus. Ket nawe̍ da ngarud, nga kinunen da e̍ Je̍sus, “Agten idi ya ibaga ne̍ Kapitan: Orey no madi ka umbe̍t iya baley, Apu, ta madi yac met maikari nga mangsangaili ikew iya baley ku.