Lukas 8:48 - Ya Baru nga Tulag

⁴⁸ Ket kinunen ne̍ Je̍sus igina, “Anac ku, nalaingan kan gapu iya panamatim. Agawir ka nga sitatalna kuma ngasin,” kunen na.

Lukas 8:48 Iomraidhean Croise

Matyu 12:20

Madi na nad kettuwen ya nabekkog nga tabagan winno ikapus nga ipac ya apuy niya pabilu nga uwed pekkem asuc na, agingga nga di na pekkem matungpal nga sibaballaigi ya nalinteg nga pangngeddeng ku.

Matyu 8:13

Ket kinunen ne̍ Je̍sus ito kapitan suldadu, “Agawir ka ngas ngarudin. Ta ya pinatim nga maariman, ket naarimanin,” kunen na. Ket iyan mettas nga kanitu, nalaingan nga tutu to eb-ebbonen nito kapitan.

Matyu 9:2

Ket antuni, uwed da toley nga nange̍lbe̍t e̍ Je̍sus ka isa nga lugpi nga nakaida iya ida na. Ket ito nalasin ne̍ Je̍sus ya panamati da, kinunen na ito lugpi, “Anac ku, sinanama ka kuma ngin, ta napakawan diya basbasul mun,” kunen na.

Matyu 9:22

Ket e̍ Je̍sus, limaw-ing ngarud. Ket ito nasingen na to babey, kinunen na igina, “Sinanama ka kuma, anac ku, ta nalaingan kan gapu iya panamatim,” kunen na. Ket sigida nga nalaingan to babey yin.

Markus 5:34

Ket kinunen ne̍ Je̍sus ito babey, “Anac ku, nalaingan kan gapu iya panamatim. Agawir ka nga sitatalna kuma ngasin, ta awanin to sarut mun,” kunen na.

Lukas 17:19

Ket kinunen ne̍ Je̍sus ito lalaki nga nalaingan, “Agsikad kan, ta mabalin mu ya mawe̍ yin. Nalaingan kan gapu iya panamatim,” kunen na.

Lukas 18:42

Ket kinunen ne̍ Je̍sus igina, “Makasingen ka ngarudin. Nalaingan kan gapu iya panamatim,” kunen na.

Lukas 7:50

Ngem e̍ Je̍sus, kinunen na ito babey, “Naisalakan kan gapu iya panamatim. Agawir ka nga sitatalna kuma ngasin,” kunen na.

Lukas 8:47

Ket ito naemmuwan nito babey nga naductalanin to winangel na, sipipilpig nga nawe̍ nagparintumeng iya sangu ne̍ Je̍susin. Ket nipalawag na iya imatang dito amin nga toltoley no ape̍ nga sine̍cde̍ng na nge̍ Je̍sus, se̍ nibaga na pe̍ to pannakapalaing na nga sigida ito nase̍cde̍ng nan.

Aramid 14:9

Ket to lugpi, naggicgicna ito panangaskasaba ne̍ Pablu. Ket e̍ Pablu, binubuteg na to lugpi, ket nalasin na nga nabileg ya panamati nito lugpi e̍ Apu Diyus nga mangagas igina.

2 Kurintu 6:18

Ket iyaken ya agbalin nga Ama nun, ket dakayu nga lalaki se̍ babey, dakayu diya an-anac kun, kunen niya Apu nga Mannakabalin ka amin.” kunen na.

He̍briyu 4:2

Ta no dactida, naipakaemmu met pe̍ dactidan ya Makaparagsac nga Damag, nga agten pe̍ kadito am-ama tida itun. Ngem no igida, awan mamaay niya kagi ne̍ Apu Diyus nga nagicna da, ta di da met inawat nga sipapati.