Lukas 8:42 - Ya Baru nga Tulag

⁴² ta makatkatayen ngamin ya kackaisu nga anac na nga babey, nga agsangapulu ket duwa ya dagun na. Nibulun ngarud nge̍ Je̍sus ito Hayru, ket ito manmanalan da, inil-ilet met diya adu nga toltoley nge̍ Je̍sus.

Lukas 8:42 Iomraidhean Croise

Markus 5:24

Ket nibulun ngarud nge̍ Je̍sus igina, se̍ adu pe̍ diya toltoley nga nipuyut igina, nga inilet da met nge̍ Je̍susin.

Lukas 7:12

Ket ito sumungsungad da iya gagmuwangan niya ili, pag-isu met nga uwed da lumawan nga mawe̍ agitamen ka natey. Balu met ya ina nito natey, ket to natey, kackaisu met nga anac na nga lalaki. Ket adu pe̍ diya kailiyan nito balu nga nakibulun igina.

Lukas 8:41

Ket ya napasamac itun, uwed inumbe̍t nga isa nga lalaki nga agnagan ka Hayru, nga isa nga pangulu niya gigimungan diya Hudyu antuni. Nawe̍ nagparintumeng iya sangu ne̍ Je̍sus, ket nagpacpakaasi igina nga umbe̍t kuma enna baley na,

Lukas 8:43

Ket uwed pe̍ antuni ya isa nga babey nga uwed sarut na. Sangapulu ket duwa nga dagunin nga agbulbulus ya daga nan. [Nagastu na met amin nga sansanicwa nan nga nagpacpaagas,] ngem awan nakapalaing igina.

Lukas 8:45

Ket kinunen ne̍ Je̍sus, “Nagan ya nangse̍cde̍ng iyaken?” kunen na. Ngem kinunen da nga amin, “Bekken nga iyaken.” Itu nga kinunen met ne̍ Pe̍dru, “Mistru, madi ta emmu, ta adu met diya toley iya le̍cbut mu, ket makisinsinne̍let da pe̍ ikew,” kunen na.

Ruma 5:12

Dikad pe̍ itan, gapu ito basul nito nona nga toley, uwed mettin panagbasul idi nga lubungin. Ket pannakatey met ya pagtungpalan niya panagbasul. Ket iya agten iyan, naalisan mettin diya amin nga toley iya pannakabalin niya patey, gapu ta nagbasul tida nga amin.