Lukas 8:39 - Ya Baru nga Tulag

³⁹ “Agawir ka lugudin, ket ipadamag mu ya nakaskasdaaw nga nipaay ne̍ Apu Diyus ikew,” kunen na. Ket nagawir ngarud to lalaki, ket nawe̍ kadiya amin nga lugar ito ili, nga niwaragawag na kadiya toltoley to nakaskasdaaw nga inariman ne̍ Je̍sus para igina.

Lukas 8:39 Iomraidhean Croise

Markus 1:45

Ngem ito nakapanawin to lalaki, nawe̍ na lugud niawaawag to napasamac iginan. Ngarud, gapu ito panangipadamag na, madi met nakasrec nga silalatac nge̍ Je̍susin kadiya orey nagan na nga il-ili, no di lugud nagedyan nas iya awayin. Ket diya toltoley, nawe̍ da nga pe̍yeng iya edyan na, nga naggayat da kadiya amin nga luglugar antuni.

Markus 5:18

Ket ito nawe̍ nge̍ Je̍sus nga lumugan kuma iya bangka ngin, nagpacpakaasi met to lalaki nga naluganan itun ka sairu, nga maibulun kuma e̍ Je̍sus.

Markus 5:19

Ngem madi nga nipalubus ne̍ Je̍sus, no di na lugud kinunen igina, “Agawir ka lugudin, ket makitipun kan kadiya kabagiyam mun. Ket ipadamag mu ngarud igida ya nakaskasdaaw nga nipaay niya Apu ikew, se̍ maipanggep pe̍ iya panangaasi na ikew,” kunen na.

Lukas 8:38

Ket sacbay niya isosoli ne̍ Je̍sus iya demmang, nagpacpakaasi to lalaki nga pinanawan dito sairu. Nipacpakaasi na ngarud e̍ Je̍sus nga maibulun kuma igina. Ngem pinagawir ne̍ Je̍sus, nga kinunen na,

Lukas 8:40

Ket ito simoli nge̍ Je̍sus nga dimelmang iya baybay, kinablaawan nga siraragsac diya adu nga toley iya demmang, ta nit-itonan da nga amin.

Juan 4:29

“Umbe̍t nu singen, ta uwed lalaki nga nangipakaemmu iyaken kadiya amin nga winangwangel ku. Di igina kid ya Kristu?” kunen na.

1 Timutyu 5:8

Ket no uwed madi makibiyang iya kasapulan diya kabagiyan na, nangruna diya kakobung na, naglikudan nan ya ugali niya pammati tida. Ket dacdake̍c met yan nga ugali nan ngem iya ugali diya di pekkem mamati.