Lukas 8:33 - Ya Baru nga Tulag

³³ Ket pimanaw ngarud dito sairu ito lalaki, ket nawe̍ da met limugan kadito abuyin. Ket dito abuy, nagtatagtag da mettin nga nanagus iya nangiras, nga nawe̍ da ito baybayin, ket nalisem da mettin.

Lukas 8:33 Iomraidhean Croise

Matyu 8:32

Ket kinunen ne̍ Je̍sus igida, “Ala, ingkayu ngarudin!” kunen na. Dikad pe̍ pimanaw ngarud dito sairu, nga nawe̍ da limugan kadito abuy. Ket dito abuy, nagtatagtag da met nga aminin nga nanagus iya nangiras, nga nawe̍ da iya baybayin. Ket nalibet da mettin iya danum.

Lukas 5:1

Ket ito name̍nsan, uwed nge̍ Je̍sus nga gasisikad iya pingit nito baybay ka Ge̍ne̍sare̍t. Ket umadenni mettin diya toltoley igina agingga nga inil-ilet dan, ta gabay da ya agdengngeg iya kagi ne̍ Apu Diyus.

Lukas 8:32

Ket itun, uwed met iya denni antuni ya isa nga dackel nga bungguy diya abuy nga agsebsebbuc iya are̍b niya tageytey. Ket nagpacpakaasi dito sairu e̍ Je̍sus nga palubusan na da kuma kanu nga mawe̍ aglugan kadito abuy. Ket pinalubusan na da met.

Lukas 8:34

Ket diya agay-aywan kadito abuy, ito nasingen da to napasamac, nagtalew da ngarudin, nga nawe̍ da nipadamag yan enna ili se̍ kadiya purpuruc antuni.

Juan 8:44

Ta an-anac nakayu ngarud nge̍ ama nu, nga itu met ya diyablu. Ket ya tarigagay na, itu ya gabay nu nga tungpalen. Pumatpatey met nga sigud, manipud ito damu. Ket pulus nga di na kanunungan ya pudnu, ta awan pulus kinapudnu igina. Ket kadawyan na ya agbusbusid, ta sigud nga managbusid. Ket bekken nas nga iyan, ta igina met pe̍ ya pagtaudan diya amin nga kinabusid.

1 Pe̍dru 5:8

Agtanang kayu se̍ agsalsalukag kayu kuma pe̍. Ta ya kakuntra nu nga diyablu, arig nga di makatalna nga liyun nga ngumerngernger nga agsapsapul ka kanen na.

Paltiing 9:11

Ket uwed met ari da nga mangituray igida, nga itu ya dake̍c nga anghe̍l nga mangituray ito nakaun-uneg nga ebbut iya ginet. Ket ya nagan nito anghe̍l, Abaddun no kagi He̍briyu, ket Apulyun met ya nagan na ka kagi Griye̍gu, nga kayat na nga kagiyen, “Mangpukaw.”