Lukas 8:22 - Ya Baru nga Tulag

²² Ket iya name̍nsan nga algew, naglugan nge̍ Je̍sus se̍ dito adalan na ka bangka, ket kinunen na igida, “Dumelmang tidan,” kunen na. Ket naggunay da ngarudin.

Lukas 8:22 Iomraidhean Croise

Matyu 14:22

Kalpasan niyan, bayat nito panangpaawir ne̍ Je̍sus kadito toltoley, pinilit na dito adalan na nga aglugan da ito bangka, nga dumelmang da nga mon-ona ngem igina ito baybayin.

Matyu 8:18

Ket ito nasingen ne̍ Je̍sus dito nakad-adu nga toltoley iya le̍cbut na, nibilin na kadito adalan na nga kunen na, “Tidan, dumelmang tida iya baybayin,” kunen na.

Markus 5:21

Ket ito nakadelmang manin de̍ Je̍sus nga naglugan ka bangka, uwed met adu nga toley nga naguurnung ito edyan na ito pingit niya baybay.

Markus 6:45

Ket bayat nito panangpaawir ne̍ Je̍sus kadito toltoley, dagus nga nipapilit na nga aglugan dito adalan na ito bangka. Pinona na da ngem igina, nga dumelmang da ito baybay, nga mawe̍ da kanu ka ili nga Be̍tsayda.

Markus 8:13

Ket pinanawan na da mettin, nga nawe̍ naglugan manin ito bangka, ket nagturung de̍ Je̍sus nga nawe̍ iya demmang nito baybayin.

Lukas 5:1

Ket ito name̍nsan, uwed nge̍ Je̍sus nga gasisikad iya pingit nito baybay ka Ge̍ne̍sare̍t. Ket umadenni mettin diya toltoley igina agingga nga inil-ilet dan, ta gabay da ya agdengngeg iya kagi ne̍ Apu Diyus.

Lukas 8:23

Ket ito dumeldelmang dan, nakatudug nge̍ Je̍susin ito bangka. Ket ya napasamac itun, nagbelluut met ka nabileg gin, ket adu ya danum nga nawe̍ iya uneg nito bangka dan, itu nga dilikadu ngarud ya kasasaad dan.

Lukas 8:33

Ket pimanaw ngarud dito sairu ito lalaki, ket nawe̍ da met limugan kadito abuyin. Ket dito abuy, nagtatagtag da mettin nga nanagus iya nangiras, nga nawe̍ da ito baybayin, ket nalisem da mettin.

Juan 6:1

Iya name̍nsan kalpasan niyan, dimelmang de̍ Je̍sus ito baybay ka Galilya nga maawagan ka Baybay nga Tibe̍riyas.

Aramid 27:2

Dikad pe̍ nagsakey kami iya isa nga bapur nga gayat ka ili nga Adrume̍tu, ta agbulabulayin nga mawe̍ kadiya il-ili iya pingit baybay ka prubinsiya nga Asiya. Ket iya agten iyan, naggunay kamin. Nibulun dakami pe̍ nge̍ Aristarku, nga isa nga iTe̍salunika, iya sakup niya Mase̍dunya.