Lukas 8:18 - Ya Baru nga Tulag

¹⁸ Itu nga agdengngeg kayu kuma nga nalaing. Ta ya kinapudnu na, ket ya toley nga uwed pannakaawat nan, madgaan nad pekkem. Ket ya awan pannakaawat na, maipac nad met igina orey diya pagpagarupen na nga maawatan na,” kunen na.

Lukas 8:18 Iomraidhean Croise

Matyu 13:12

Ta ya toley nga uwed pannakaawat nan, madgaan pekkem, tasun nawadwad ya naipakaawat igina. Ngem ya awan pannakaawat na, maipac met igina orey diya pagpagarupen na nga maawatan na.

Matyu 25:29

Ta ya toley nga adu ya uwed iginan, mae̍cdan nad pekkem, tasun nawadwad kuma ngin ya uwed igina. Ngem ya toley nga e̍teng ya uwed igina, maipac nad pekkem mas igina ya orey e̍teng ngas nga uwed iginan.

Markus 13:14

“Ket masingen nu nad to kunen da nga ‘Nakar-aryec nga Mangpirdi’, nga naisaad nad met iya bekken nga rumbeng nga pagsaadan na. (Ikew nga agbasbasa idi nga naisurat, masapul nga maawatam ya kaipapennan nidi.) Ket no masingen nu nad yanin, agtalew kuma ngarud diya aged-edyan idi prubinsiya nga Hudya, nga mawe̍ da kuma agsoroc kadiya tagtageytey yin.

Lukas 19:26

“Ket kinunen nito ari, ‘Kinapudnu na, ya toley nga adu ya uwed iginan, mae̍cdan nad pekkem. Ngem ya toley nga e̍teng ya uwed igina, maipac nad pekkem mas igina ya orey e̍teng ngas nga uwed iginan.

Lukas 9:44

“Panunuten nu kuma nga nalaing yani nga ibagac dakayu: Tutu met nga maiyawat nad ngarud ya Anac nga Naipatoley kadiya toley nga mangukum igina,” kunen na.

Juan 15:2

Ket iya agten iyan, diya amin nga sanga nga naisilpu iyaken nga madi mamisic, ipac na. Ket diya agbisbisic nga sanga, dalusan na, tasun ad-adu nad ya maibisic da.

Aramid 10:33

“Itu nga sigida nga pinaayaban naka, ket gapu iya panangaasim, inumbe̍t kan. Ket itan, naguurnung kami nga amin nga sidadayaw iya imatang ne̍ Apu Diyus, tasun aggigicna kami kadiya amin nga paikagi niya Apu ikew,” kunen ne̍ Kurne̍lyu.

Aramid 17:11

Ket dito Hudyu ka Be̍rya, nanacnacman da ngem kadito iTe̍salunika, ta gabay da nga unay ya agdengngeg iya kagi ne̍ Apu Diyus. Ket inalgew nga ad-adalen da ya Bibliya, tasun mapanecnekkan da no pudnu dito isursuru de̍ Pablu.

Ruma 12:3

Ket gapu iya siaayat nga panangaasi ne̍ Apu Diyus iyaken, uwed saad ku nga mamagbaga dakayun. Ket idi ya ibagac dakayu nga amin: Madi kayu kuma ipasindayaw diya kabaellan nu, no di lugud utuben nga nalaing niya tunggal isa dakayu, no nagan na ya tutu nga pateg niya kabaellan na. Ta nadumaduma met diya kabaellan tida sigun iya bileg niya panamati tida nga ne̍cde̍ ne̍ Apu Diyus.

1 Kurintu 14:37

Ket no uwed dakayu diya nae̍cdan kanu ka pannakabalin nga mangikasaba iya kagi ne̍ Apu Diyus, winno diya uwed kanu sabali nga pannakabalin nga ne̍cde̍ niya Ispiritu Santu, ket mailasin da ngarud nga tutu met nga bilin niya Apu didi nga ibagac idi nga surat ku.

1 Kurintu 3:18

Awan kuma dakayu ya mangallilaw iya beggi na mettas. Ta orey nagan na nga mangipagarup nga igina ya isa nga nasirib sigun iya kinasirib niya toley, masapul nga paglikudan na kuma yan nga kinasirib na, ket agbalin kuma nga arig nga awan kinasirib na iya imatang toley, tasun agbalin nga tutu nga nasirib iya imatang ne̍ Apu Diyusin.

1 Kurintu 8:2

Dikad pe̍ ya sitatangsit nga agkunen nga uwed kanu pannakaemmu nan, ket uwed pekkem lugud pagkurangan na iya pannakaawat na.

Pilipus 3:4

Ket no iyaken, tutu met nga uwed dito nawangel ku nga mabalin nga ibilang ku nga pagtalged ku e̍ Apu Diyus. Itu nga no uwed sabali nga toley nga mangunen nga mabalin na kanu ya agtalged iya imatang ne̍ Apu Diyus gapu kadiya nawangel na, ket nangnangruna ngac kuma met pekkem.

He̍briyu 2:1

Ket gapu kadiyan nga banbanag, masapul ngarud nga lumallalu kuma ya panangipateg tida kadiya panursuru nga naadal tida, tasun bekken tida nga maiyaw-awan ka sabali.