Lukas 8:13 - Ya Baru nga Tulag

¹³ Ket dito bukel nga nagdessag ito ginet nga uwed pinas iya uneg na, itu diya maiyarig kadiya toley nga makagicna iya kagi ne̍ Apu Diyus, ket awaten da nga siaanggem. Ngem gapu ta arig da nga mula nga awan nauneg nga gamut da, nalaka da nga mamati iya damu, ngem dagus da nga aglikud no uwed pakasulisugan da.

Lukas 8:13 Iomraidhean Croise

Markus 6:20

Ta e̍ asawa na nga Ari He̍rude̍s, dinayaw na met to Juan itun, ta emmu ne̍ Ari He̍rude̍s nga nalinteg se̍ nadayaw to Juan iya imatang ne̍ Apu Diyus. Itu nga nislaanan met ne̍ Ari He̍rude̍s to Juan. Ket ito naggicgicna nge̍ Ari He̍rude̍s ito kasaba nito Juan, nasikuran nga unay. Ngem nagustuwan na met latta nga dinengdengngeg dito kagkagiyen nito Juan.

Lukas 8:12

Ket dito nagdessag iya dalan, itu diya maiyarig kadiya toley nga makagicna iya kagi ne̍ Apu Diyus, ngem male̍panan da. Ta arig nga umbe̍t ya diyablu nga ipac na ya kagi nga uwed iya lemlemmet da, tasun di da mamati se̍ maisalakan.

Lukas 8:14

Ket dito bukel nga nagdessag iya karuutan nga uwed rasi na, itu diya maiyarig kadiya toley nga makagicna iya kagi ne̍ Apu Diyus, ngem maabac ya pannakabalin na igida, gapu kadiya pakasikuran da, se̍ gapu iya panangtarigagay da ka kinabacnang se̍ pakaragsakan da. Itu nga arig da nga bisic nga madi agmayan.

Juan 15:2

Ket iya agten iyan, diya amin nga sanga nga naisilpu iyaken nga madi mamisic, ipac na. Ket diya agbisbisic nga sanga, dalusan na, tasun ad-adu nad ya maibisic da.

Juan 15:6

Ket ya madi manglaglagip iyaken, maitemsit ngas nga arig mettas nga isa nga sanga, ket macrit nad ngarudin. Ket diya agten iyan nga sanga, urnungen diya toley, se̍ da ngas itemsit iya apuy, ket mapooran da ngarudin.

Juan 5:35

“Ta to Juan, naiyarig iya masibsibtan nga dilag nga nagdardarang. Ket dakayu, nagustuwan nu met ito damu nito panangipawada na.

1 Kurintu 13:2

Agten pe̍ no nalaing ngac kuma nga mangasaba, se̍ no uwed kuma pe̍ iyaken ya pannakabalin nga makaawat kadiya amin nga banbanag nga di pekkem naipacpakaemmu ka toley, se̍ orey no uwed kuma iyaken ya pannakaawat kadiya amin nga banbanag, se̍ no awan kuma nga pulus pagkurangac iya panamatic, tasun makaiyalis sac kuma ka tageytey gapu mettas iya nabileg nga panamatic, ket awan met latta sirsirbic, no bekken nga maidanggay didi ka ayat ku.

1 Kurintu 15:2

se̍ itu pe̍ ya pakaisalakanan nu, no tutu nga salimetmettan nu to nisuruc dakayu, malacsid no awan banag nito panamati nu.

Galasiya 3:1

Nagkapsut ket lugud niya pannakaawat nu nga iGalasiya ngin! Ta ape̍ naglaka kayu nga naiyaw-awanin? Nabatad met dakayu itun to pannakailawlawag nito pannakapatey ne̍ Je̍su Kristu ito krus.

Galasiya 3:4

Ape̍? Awan aya mamaay nan dito amin nga napasamac dakayu ito damu? Uwed met!

E̍pe̍su 3:17

Ket se̍ adngec pe̍ nga e̍ Kristu kuma ya pe̍yeng nga mangiturturay kadiya nakem nu gapu iya panamati nu, tasun gapu iya panagiinnayat nu, agbalin nga nauneg se̍ nabaked kuma ya panagnamnama nu.

Kulusas 1:23

Ngem basta masapul nga sipapati kayu nga kanayun iya Anac. Ta nabaked se̍ napaut kuma ya panamati nu, tasun madi kayu lugud maiyaw-awan nga maisina iya namnama nga e̍cde̍ niya Makaparagsac nga Damag nga naikasaba dakayu itun. Ta itu mettas yan ya Makaparagsac nga Damag nga naipakaemmu ka amin nga toley iya lubungin. Ket iyaken nga Pablu, nagbalin nac met nga isa nga natalec nga mangikaskasaba iyan nga damag.

Kulusas 2:7

Masapul ngarud nga agbalin nga arig nga nauneg nga gamut niya kayu ya namnama nu, nga bumilbileg kuma ya panpanunut nu e̍ Kristu, se̍ bumacbaked kuma ya panamati nu kadito naisuru dakayu itun, ket se̍ siiiyaman kayu kuma nga pe̍yeng.

1 Te̍salunika 3:5

Ket itu ya gapu na nga nibon ku nge̍ Timutyu, ta maalinasag gac kun iya danag ku. Nibon ku ngarud tasun emmuwen mi no nabileg pekkem ya panamati nu. Ta madanagan nac ngamin, kaynun no sinulisug nakayun nge̍ Satanas, tasun awan sirsirbi yin nito bannug mi ito kauwed mi dakayu itun.

1 Timutyu 1:19

Ipatpateg mu ngarud ya panamatim se̍ ya natalna nga nakem mu. Ta uwed da toley nga emmu da itun ya kustu nga wanglen da kuma, ngem dake̍c latta to winangel da. Itu nga napirdi ya panamati dan.

He̍briyu 10:39

Ngem no dactida, bekken nactida met nga kamkameng dito mangadeyyu nga siaalyew, nga itu diya mapukaw nga toley. Kamkameng nactida ngarud diya mamati, nga itu diya maisalakan.

Santiyagu 2:26

Ngarud, no kunen tida nga uwed panamati tida, ngem awan met wangwanglen tida nga kadanggay niya panamati tida, awan sirbi niyan nga panamati. Ket maiyarig iya isa nga bangkay ya agten iyan nga panamati, ta arig nga beggi nga awan anges na.

2 Pe̍dru 2:20

Kaspagarigan ya isa nga toley nga nipac nan diya dake̍c nga gangey nga tumaud idi nga lubung, gapu iya pannakaemmu nan e̍ Je̍su Kristu nga Apu tida se̍ Mangisalakan dactida: Ta no sumoli manin yan nga toley nga ipalubus na nga maabac manin kadito dake̍c nga gangey niya kinatoley, ket dacdake̍c met ya kasasaad nan ngem ito damu.

2 Pe̍dru 2:22

Ket natungpal ngarud iginan to pagkakagi nga kunen na, “Ya asu, soliyen na nga mawe̍ kanen ya nalpas na nga niyota.” Ket agten pe̍ ito pagkakagi nga kunen na, “Ya abuy nga nadigusin, sumoli ngas nga mawe̍ agloba manin iya loyeg,” kunen na. Ket tutu met yan.

1 Juan 2:19

Didi nga kumunkuntra e̍ Kristu, ket bekken tida nga tutu nga kamkameng didi, itu nga simina da dactidan. Ta no tutu da kuma nga kamkameng tida, ituluy da kuma ya pannakitipun da dactida. Ngem simina da mettin, ket itu nga nabatadin nga bekken tida da nga tutu nga kamkameng.

Hudas 1:12

Ket dito agten iyan nga toley iya edyan nu, arig da nga mansa dakayu, ta igida ya mangsipar iya panagiinnayat nu kadiya panagsasangu nu nga mangan. Ta pulus nga awan alyew da nga makisangu dakayu iya panangipalagip nu iya Apu, ket yan nas beggi da ya asikasuwen da. Maiyarig da met ka ulep nga maib-ibluut nga di makae̍cde̍ ka udan. Ket arig da met pe̍ nga kayu nga madi mamisic, orey timpu nga panagbibisic. Ngarud, awan pulus nabaru nga ipaay da, nga arig nga kayu nga natey se̍ nabagut pe̍ yin.