Lukas 7:41 - Ya Baru nga Tulag

⁴¹ Ket nagpangngarig manin nge̍ Je̍sus nga kinunen na, “Uwed duwa nga toley nga imutang ka kuwarta iya agpacpautang. Ket to isa, lima nga gasut nga pisus to inutang na, se̍ ya isa, lima nga pulu nga pisus ngas to inutang na.

Lukas 7:41 Iomraidhean Croise

Matyu 18:28

“Ket to eb-ebbonen, pimanaw ngarudin. Ket nasabet na met ya isa nga pada na nga eb-ebbonen, nga nakautang igina ka e̍teng ngas nga kuwarta. Tinengngel na mettin to pada na, ket be̍tkellen na, nga kinunen na met, ‘Bayadam mun to utang mu iyaken!’ kunen na.

Matyu 6:12

Se̍ pakawanen nakami kuma kadiya basbasul mi, nga agten met iya panangpakawan mi kadiya nakabasul dakami.

Markus 6:37

Ngem kinunen ne̍ Je̍sus igida, “Dakayu lugud a, ya mangpakan igida,” kunen na. Ket kinunen da ngarud e̍ Je̍sus, “Bayay! Kayat mu kad nga kagiyen nga mawe̍ kami kuma ngumina ka tinapay nga agpateg ka rinibu nga pisus, se̍ mi e̍cde̍ nga kanen da?” kunen da.

Lukas 11:4

Se̍ pakawanen nakami kuma kadiya basbasul mi, ta dakami, pakawanen mi met diya amin nga nakabasul dakami. Se̍ di nakami kuma iturung ka pakasulisugan.’”

Lukas 12:48

Ngem ya tagabu nga madi nakaemmu iya tarigagay niya amu na, se̍ nakaariman met ka tumutup nga pakadusaan na, ket madusa nad ngarud pe̍, ngem e̍l-e̍leng ngas ya baut na. “Ket no adu ya nae̍cde̍ iya isa nga toley, adu mettas ya nabaru nga manamnama nga gayat igina. Ket no adu ya nitalec diya toley iya isa nga pada da nga toley, ad-adu mettas ya manamnama da nga gayat nad igina,” kunen na.

Lukas 13:4

“Agten pe̍ kadito natey nga sangapulu ket walu nga nagaboran ito natuwang to nangudu nga naipatdec ka Siluwe̍. Nagan ya ipagarup nu igida? Pagarupen nu kadi nga ad-adu diya basul da ngem kadiya duduma nga taga-He̍rusale̍m?

Lukas 7:40

Ket e̍ Je̍sus, kinunen na met ito Parisiyu, “Simon, uwed ibagac ikew,” kunen na. “Ket nagan na, Mistru?” kunen nito Parisiyu.

Lukas 7:47

Dikad pe̍ ibagac ngarud ikew ya kinapudnu na, nga nalawag nga napakawanin diya adu nga basbasul nidi nga babey, gapu ta dackel ya panagayat na. Ngem ya toley nga e̍teng ya mapakawan igina, e̍teng met ya panagayat na,” kunen na.

Ruma 3:23

Ta amin tida, nagbasul tida met, ket awan dactida ya makabael nga mairaman iya nadayaw nga kasasaad ne̍ Apu Diyus.

Ruma 5:20

Ket ya Linteg ne̍ Muyse̍s, nabangun itun tasun maemmuwan diya toley nga adu diya pakabasulan da. Ngem orey no imadu diya basbasul dito toley, ket ad-adu latta met ya siaayat nga asi ne̍ Apu Diyus.