Lukas 7:22 - Ya Baru nga Tulag

²² Ket iya agten iyan, kinunen ne̍ Je̍sus kadito nibon ne̍ Juan, “Sumoli kayu iya edyan ne̍ Juan, ket ibaga nu igina diya nasingen se̍ nagicna nu idi. Ibaga nu nga makasingen nin diya kulap, makadalanin diya lugpi, napalaingin diya agkukutel, se̍ makagicna ngin diya tuleng. Ket diya natey, napaungar dan. Diya nanumu nga toley, nakaskasabaan dan iya Makaparagsac nga Damag.

Lukas 7:22 Iomraidhean Croise

Matyu 11:5

Ibaga nu nga makasingen nin diya kulap, makadalanin diya lugpi, napalaingin diya agkukutel, se̍ makagicna ngin diya tuleng. Ket diya natey, napaungar dan. Diya nanumu nga toley, nakaskasabaan dan iya Makaparagsac nga Damag.

Matyu 21:14

Ket itun, nawe̍ iya edyan ne̍ Je̍sus enna Te̍mplu diya kulap se̍ diya piley, ket pinalaing na da.

Lukas 4:18

“Uwed iyaken ya Ispiritu niya Apu, ta pinili nac nga mae̍cdan, tasun mangikasaba ngac iya damag nga makaparagsac kadiya nanumu nga toley. Nibon nac met nga mangiwaragawag iya pannakawayawaya diya natagabu, se̍ ya pannakasingen manin diya nakulap, se̍ tasun wayawayaac diya maparparigat.

Lukas 7:21

Ket bayat nito kauwed da iya edyan ne̍ Je̍sus, adu diya pinalaing na nga agsacsakit, se̍ diya uwed sarut da, se̍ diya naluganan ka sairu, se̍ adu pe̍ diya kulap nga pinagbalin na nga makasingen nin.

Lukas 7:23

Ket idi pe̍ ya ibaga nu e̍ Juan: ‘Maragsakan met ya toley nga madi agduwaduwa maipanggep iyaken,’ kunen nu,” kunen ne̍ Je̍sus.

Juan 1:46

Ngem kinunen ne̍ Natanye̍l, “Ahah! Uwed aya nabaru nga mabalin nga tumaud enna Nasare̍t?” kunen na. Ket kinunen ne̍ Pe̍lipe̍, “Umbe̍t mu was singen, a,” kunen na.

Aramid 26:18

Ibon naka ngarud igida, tasun malasin dac gapu iya ibagam igida, tasun pe̍yeng nga e̍ Apu Diyus ya mangituray igidan, nga bekken nga e̍ Satanasin, se̍ tasun wada ya suruten dan, nga bekken nga ya gicbet tin. Ket iya agten iyan, mapakawan diya basbasul dan, gapu iya panamati da iyaken, se̍ maidga dan kadiya maibilang nga toley ne̍ Apu Diyus,’ kunen na iyaken.

Aramid 8:7

Ta napatalew diya sacsairu kadiya adu nga toley nga naluganan, ket nagkerkerre̍s met dito adu nga sacsairu nga rinumwar kadito linuganan da. Se̍ adu pe̍ dito napalaing nga piley se̍ lugpi.

Santiyagu 2:5

Tandaanan nu yani, patpatgec nga kakabsat: Diya ibilang diya toley nga napanglaw, itu met diyan diya pinili ne̍ Apu Diyus nga pangipaayan ka nabaked nga panamati, nga arig nga nabacnang da ka panamati da. Ket napili da pe̍ nga makipagtawid iya pannakairaman da kadiya iturayan ne̍ Apu Diyus, nga itu ya nikari na kadiya agayat igina.