Lukas 7:16 - Ya Baru nga Tulag

¹⁶ Nasdaaw ngarud amin dito toley, ket nagdaydayaw da e̍ Apu Diyusin, nga kinunen da, “Uwed met nangatu nga mammadtu nga nagparang dactidan!” Se̍ kinunen da pe̍, “Sinacwaran nactida nge̍ Apu Diyusin!” kunen da.

Lukas 7:16 Iomraidhean Croise

Matyu 15:31

Ket nasdaaw ngarud dito toltoley ito nasingen da nga nakakagi yin dito umel, nalainganin dito piley, nakadalanin dito lugpi, se̍ nakasingen nin dito kulap. Ket nagdaydayawin dito toltoley e̍ Apu Diyus nga Diyus mettas diya iIsrae̍l.

Matyu 21:11

Ket dito adu nga toltoley nga nakibulubulun e̍ Je̍sus, kinunen da met, “Igina yan nge̍ Je̍sus, nga itu to mammadtu nga taga-Nasare̍t enna prubinsiya nga Galilya,” kunen da.

Matyu 28:8

Ket gapu ito nasingen se̍ nagicna dito babey, naalistu da nga pimanawin ito edyan nito tamen, nga siaansing dan, se̍ siaanggem da met pe̍ yin. Ket nanagtag da nga nawe̍ mangibaga kadito adalan ne̍ Je̍sus.

Matyu 9:8

Ket ito nasingen diya toltoley yan, uwed ngarud ansing dan, ket nidaydayaw da nge̍ Apu Diyus gapu iyan nga nakaskasdaaw nga pannakabalin nga nipaay na ka toley.

Lukas 1:65

Nasdaaw ngarud diya amin nga karruba da, ket nagwaras met ya damag maipanggep ka amin didi kadiya amin nga luglugar kadiya tagtageytey ka Hudya.

Lukas 1:68

“Madaydayaw kuma ngarud ya Apu nga Diyus diya iIsrae̍l, ta sinacwaran nactida nga toley na, nga inumbe̍t nactida sinubbut.

Lukas 19:44

Rauten da nad met ya siyudad nu nga pirdiyen da ya amin na, agraman diya umili. Ket pulus nad nga awan naisimpa nga batu nga di da lasangen. Dumateng ngarud nad amin didi dakayu, gapu ta di kayu nailasin ya panangsacwar ne̍ Apu Diyus dakayu,” kunen na.

Lukas 2:20

Ket dito agay-aywan ka karne̍ru, nagawir dan nga sidadayaw se̍ siiiyaman e̍ Apu Diyus, gapu kadito amin nga nagicna se̍ nasingen da, nga maikanatad ngarud kadito nibaga nito anghe̍l igida.

Lukas 24:19

Ket kinunen met latta ne̍ Je̍sus igida, “Ape̍? Nagan kad niyan?” kunen na. Ket simungbat da manin igina nga kinunen da, “Maipanggep ngarud kadiya amin nga napasamac ito Je̍sus nga iNasare̍t, itu ya sapsaput mi. Mammadtu met to Je̍sus, ket nabileg ya pannakabalin na nga nasingen kadiya winangel na se̍ kinagi na, bekken nas nga iya imatang diya toltoley, no di pe̍ iya imatang ne̍ Apu Diyus.

Lukas 5:26

Napalaus met ya seddaaw dito amin nga toltoley. Ket nidaydayaw da ngarud nge̍ Apu Diyus, ket kinunen da nga siaansing, “Tutu met nga nakaskasdaaw didi nga nasingen tida ita nga algew,” kunen da.

Lukas 5:8

Ket nadlaw ngarud nito Simon Pe̍dru ya banag nito napasamac, itu nga nagparintumeng ngarud iya sangu ne̍ Je̍sus, nga kinunen na, “Adeyyuwan nac kay Apu, ta managbasul lac ngas met,” kunen na.

Lukas 7:15

Ket bimangun mettin to natey, se̍ nagkagi yin. Ket niyawat ne̍ Je̍sus iya ina nan.

Lukas 7:39

Ket to Parisiyu nga nangawis e̍ Je̍sus iya baley na, ito nasingen na to winangel nito babey, kinunen na met iya lemlemmet na maipanggep e̍ Je̍sus, “No pudnu nga mammadtu yani nga toley, malasin na kuma met no nagan nidi nga babey nga mangse̍cse̍cde̍ng igina, se̍ emmu na met no kumaan niya ugali na. Ta managbasul met yani nga babey,” kunen na iya lemlemmet na.

Lukas 8:37

Ket gapu ito napalaus nga ansing dito iGe̍rasa, nipakaasi da e̍ Je̍sus nga pumanaw kuma iya ginet nga masakupan da. Dikad pe̍ nagsakey ngarud nge̍ Je̍sus ito bangka, ket sumoli da ito demmangin.

Lukas 9:19

Ket simungbat da nga kinunen da, “E̍ Juan nga Mammautisar ka kanu. Ngem uwed met duduma nga agkunen nga to mammadtu nga E̍lyas ka kanu. Se̍ uwed da pe̍ agkunen nga nagungar kanu ya isa kadito mammadtu itun pekkem,” kunen da.

Juan 1:21

Ket dito naibon, sinaludsud da manin nga kinunen da, “No agten iyan, nagan mu ngarud? To mammadtu nga E̍lyas ka kadi?” kunen da. Ket nisungbat nito Juan, “Bekken met,” kunen na. Ket kinunen da manin, “Ikew kadi ya naikari nga Mammadtu nga padpadaanan mi?” kunen da. Ket kinunen nito Juan manin, “Bekken met,” kunen na.

Juan 1:25

Ket nagsaludsud da manin ito Juan nga kinunen da, “No bekken nga ikew ya Kristu, winno to E̍lyas, winno ya naikari nga Mammadtu, ape̍ ngarud nga mamautisar ka?” kunen da.

Juan 4:19

Ket kinunen nito babey, “Ay, madlaw ku met apu, nga isa ka nga mammadtu.

Juan 6:14

Ket ito nailasin dito toltoley yan nga nakaskasdaaw nga inariman ne̍ Je̍sus, kinunen da iya panagtetebbar da, “Siguradu nga itu yani ya Mammadtu nga naipadtu nga umbe̍t iya lubung ngi!” kunen da.

Juan 9:17

Ket iya agten iyanin, pinalutput manin dito Parisiyu to lalaki nga nalaingan nga kulap, nga kinunen da, “Ikew, nagan ya makunem maipanggep igina? Ta ikew met ya akin-mata kadiya pinalaing na,” kunen da. Ket kinunen nito nalaingan nga kulap, “No iyaken, isa nga mammadtu tuni ya panagkunec,” kunen na.

Aramid 5:5

Ket apaman nga nagicna ne̍ Ananyas to kinagi ne̍ Pe̍dru, nalicwad met nga natey yin. Ket nansing ngarud diya amin nga nakadamag idi.

Aramid 7:37

Ket e̍ Muyse̍s, igina met to nangasaba kadito am-ama tida nga Israe̍lita, nga kinunen na nga uwed manin kanu isa nga kapada da nga ibon nad ne̍ Apu Diyus igida nga mammadtu igida, nga agten mettas ito panangibon ne̍ Apu Diyus igina.

Galasiya 1:24

Dikad pe̍ nagyaman da nga sidadayaw e̍ Apu Diyus itun gapu iyaken.