Lukas 7:13 - Ya Baru nga Tulag

¹³ Ket ito nasingen niya Apu to balu, naasiyan met igina. Ket kinunen na ito balu, “Madi ka kuma agberberrit,” kunen ne̍ Je̍sus,

Lukas 7:13 Iomraidhean Croise

Markus 8:2

“Maasiyan nac kadidi nga toltoley, ta tellu nga algew dan nga nakibulubulun iyaken nin, ket awan met kanen dan.

Lukas 10:1

Ket kalpasan diyan, pimili manin ya Apu ka pitu nga pulu ket duwa nga toley, ket nibon na da nga sinagduduwa, nga mon-ona da nga mawe̍ kadiya tunggal ili se̍ lugar nga dumagasan nad ne̍ Je̍sus.

Lukas 11:1

Ket iya name̍nsan, agkarkararag nge̍ Je̍sus iya isa nga lugar. Ket ito nalpas nan, kinunen niya isa kadito adalan na, “Apu, isuru nakami kay iya kustu nga panagkararag, nga agten ito panangisuru nito Juan nga Mammautisar kadito adalan na,” kunen na.

Lukas 11:39

Ngem kinunen niya Apu igina, “Dakayu nga Parisiyu, maiyarig kayu met iya mangugas iya laskig ngas niya tasa se̍ palatu. Ngem iya uneg nu, adu met nga panangpilit se̍ kinadake̍c.

Lukas 12:42

Ket kinunen niya Apu, “No nagan kuma ya maibilang nga mapagtalkan se̍ nasirib nga mangsingen iya baley niya amu na, ket igina mettas ya pangitalkan niya amu na nga makaemmu kadiya pada na nga agsirsirbi iya baley niya amu na, tasun igina ya mangbingay ka kanen niya tunggal isa igida kada kustu nga uras na.

Lukas 13:15

Ngem kinunen niya Apu igina, “Ape̍ kad nga aginlilinteg kayu? Ta orey iya tunggal isa dakayu, istimaren nu met diya ayam nu, orey no Algew Ngilin. Ta ukasan nu met ya baka winno asnu nu, nga iyalis nu manipud iya panganan na, tasun iturung nu iya papainuman.

Lukas 17:5

Ket kinunen dito apustule̍s iya Apu, “Pabilgem kuma ngarud ya panamati mi,” kunen da.

Lukas 17:6

Ket kinunen niya Apu, “No uwed e̍teng ngas nga panamati nu, nga orey maiyarig ngas iya katekkut niya bukel niya kayu nga mustasa, mabalin nu met nga bilinen yani nga dackel nga kayu nga sikumuru nga kunen nu, ‘Bagsutem ya beggim, ket imulam mettas iya baybayin,’ kunen nu, ket agtungpal met dakayu,” kunen na.

Lukas 18:6

Ket nituluy niya Apu nga kinunen na, “Panunuten nu ngarud to kinunen nito nakillu nga kuis.

Lukas 19:8

Ket enna baley ne̍ Sakiyu, ginumnukat nge̍ Sakiyu nga kinunen na iya Apu, “Agten idi nin ya wanglec kun, Apu: E̍cde̍c ya kagudduwa niya sansanicwac kadiya napanglaw. Ket ya orey nagan na nga sinikapac, ket mame̍npat met ya kaadu niya isolic igida,” kunen na.

Lukas 22:61

Ket limaw-ing mettin ya Apu nga sinisingen na nge̍ Pe̍dru win. Ket nalagip ngarudin ne̍ Pe̍dru to nibaga niya Apu igina itun nga kinunen na, “Idi mettas nga gabi, sacbay niya panagtataraut diya kawitan no parbangun, name̍tlu nac nad met nga nilibac kin.”

Lukas 24:3

Ket nimuneg da ngarud ito tamen, ket nasingen da met nga awan gayam to bangkay ne̍ Apu Je̍susin.

Lukas 24:34

Ket dito naurnung mettas ya nona nga nagkagi, nga kinunen da kadito duwa, “Pudnu met nga nagungar ya Apu win! Nagpasingen met e̍ Simon!” kunen da.

Lukas 7:12

Ket ito sumungsungad da iya gagmuwangan niya ili, pag-isu met nga uwed da lumawan nga mawe̍ agitamen ka natey. Balu met ya ina nito natey, ket to natey, kackaisu met nga anac na nga lalaki. Ket adu pe̍ diya kailiyan nito balu nga nakibulun igina.

Lukas 7:14

se̍ nawe̍ na met nicman to lungun, ket simardeng ngarudin dito nagbulig. Ket kinunen met ne̍ Je̍sus ito natey, “Gayyem, bumangun ka,” kunen na.

Lukas 7:19

ket nibon na da nga mawe̍ iya edyan niya Apu, tasun isaludsud da igina nga kunen da, “Ikew ya naikari nga umbe̍t, winno uwed pekkem mas sabali nga padaanan mi?” mawe̍ da kuma kunen.

Lukas 8:52

Ket diya amin nga uwed antuni, berberritan se̍ sangsangitan da to ebbing. Ngem kinunen ne̍ Je̍sus, “Madi kayu agberberritin, ta bekken met nga natey ya ebbing, no di ngas mat-atudug,” kunen na.

Juan 11:2

Ket idi nga Marya nga kabsat ne̍ Lasaru, itu to nangibucbuc itun ka bangbanglu kadiya saka niya Apu se̍ na nipunas ya ebbuc na.

Juan 11:3

Ket ito agsakit nge̍ Lasaru, nangibon dito babey nga agkabsat ka nawe̍ nangipadamag e̍ Je̍sus. Ket kinunen ngarud dito naibon e̍ Je̍sus, “Apu, agsakit ya patpatgem nga gayyem,” kunen da.

Juan 20:13

Ket kinunen met dito anghe̍le̍s e̍ Marya, “Ape̍ agberberrit ka, kabsat?” Ket kinunen ne̍ Marya igida, “Nimet da ngamin ya Apuc, ket madic met emmu ya nangipennan da iginan,” kunen na.

Juan 20:15

Ket kinunen ne̍ Je̍sus igina, “Ape̍ agberberrit ka, kabsat? Nagan ya sapsapulem?” kunen na. Ket e̍ Marya, gapu ta pagarup na no igina ya agay-aywan ito minuyungan, kinunen na igina, “Ay, pangngaasim apu, no ikew ya nangiyalis ito bangkay na, ibagam kay ya nangipayam, ta mawe̍ yac alaken,” kunen na.

Juan 4:1

Ket itun, naemmuwan niya Apu nga nadamag dito Parisiyu nga ad-adu ya mapaspasurut se̍ mabacbautisaran na ngem ito Juan nga Mammautisar.

Juan 6:23

Ket to napasamac, uwed pe̍ duduma nga bangka nga gayat ka ili nga Tibe̍riyas nga simanglad antuni iya denni ito lugar nga nanganan dito toley ito tinapay kalpasan nito panagyaman niya Apu.

1 Kurintu 7:30

Agten pe̍ diya uwed pagladingitan na, agbiyag da kuma nga arig nga bekken nga naladingit. Se̍ diya uwed pagragsakan da, agbiyag da kuma nga arig nga bekken da nga naragsac. Se̍ diya agnginngina met pe̍, agbiyag da kuma lugud nga agten mettas iya panagsirbi diya awan sansanicwa na.

1 Te̍salunika 4:13

Kakabsat, gabay mi no maemmuwan nu kuma ya pudnu maipanggep kadito natey yin, tasun madi kayu kuma agladingit nga agten kadiya toley nga awanan ka namnama.

He̍briyu 2:17

Ket itu nga masapul nga linak-am ne̍ Je̍sus diya amin nga kasasaad diya naibilang nga kakabsat na, tasun igina kuma ya agbalin nga managkaasi se̍ mapagtalkan nga Kangatuwan nga Agsirsirbi, nga mangibegbeggi dactida e̍ Apu Diyus. Ket iya agten iyan, inariman nan ya pannakaudas nga pakapakawanan diya basbasul diya toley.

He̍briyu 4:15

Ket idi nga Kangatuwan nga Agsirsirbi nga mangibegbeggi dactida e̍ Apu Diyus, bekken met nga isa nga madi makaisakit iya kinakapsut tida. Maisakit nactida ngarud, ta napadas na met amin nga kita sulisug gapu iya kinatoley na nga agten dactida. Napadas na ngarud amin diyan, ngem madi pulus nagbasul.