Lukas 6:49 - Ya Baru nga Tulag

⁴⁹ “Ngem ya toley nga dumngeg iya kagic, ngem di na met tungpalen, ket maiyarig met iya isa nga toley nga nagpasikad ka baley iya rabaw niya ginet, nga awan nabaked nga nangibangunan na. Ket ito naglayusin, dinalapus na yan nga baley, ket dagus nga narogpac. Ket napirdi nga pudnu yan nga baley yin,” kunen na.

Lukas 6:49 Iomraidhean Croise

Matyu 23:3

Itu nga talken se̍ tungpalen nu kuma ngarud amin nga isursuru da dakayu. Ngem diya wangwanglen da, madi nu kuma lugud tuladen. Ta orey mangikasaba da iya kustu nga sursuru, bekken met nga itu ya tungpalen da.

Matyu 24:10

Ket iyan nga timpu, adu nad diya mangipalikud iya panamati da, ket aglilinniput se̍ aggiginnura da nad pe̍.

Markus 4:17

Ngem gapu ta arig da nga mula nga awan nauneg nga gamut na, bekken da met nga napaut. Ta no uwed rigat winno pannakairurumen da gapu iya panamati da iya kagi ne̍ Apu Diyus, ket dagus da nga maiyaw-awanin.

Lukas 12:47

“Ket ya tagabu nga nakaemmu iya tarigagay niya amu na, ngem madi nakasagana winno madi na tinungpal to gabay niya amu na, madusa ngarud ka mame̍n-adu nga baut.

Lukas 19:14

“Ket nawe̍ ngarud to mabigbig nga toley ito deyyu nga nasyun. Ngem gapu ta ginura diya kailiyan na, nangibon da met kadiya sumarunu nga mawe̍ ito napennan na. Ket nagkagi da ito nangisaad igina, nga kinunen da, ‘Madi kami gabay nga agari yan nga toley dakami,’ kunen da.

Lukas 19:27

“‘Ket no maipanggep kadito kumuntra iyaken, nga madi da kanu gabay ya panagaric igida, e̍lbe̍t nu da ngarud idi, ket patayen nu da iya sanguc ki,’ kunen nito ari,” kunen ne̍ Je̍sus.

Lukas 6:46

“Ape̍ aya nga awagan dac nga kunen nu nga, ‘Apuc, Apuc,’ kunen nu iyaken, ngem di nu met latta tungpalen diya ibagac dakayu?

Lukas 6:48

Ya agten kadiyan nga toley, maiyarig met iya isa nga nagpasikad ka baley. Nagkorob nga nona ka nauneg, ket pinas met ya nangisaadan na. Dikad pe̍ ito naglayusin, dinalapus na met yan nga baley, ket madi pulus nga naan-anu, ta nabaked ya pannakaisimpa na.

Lukas 7:1

Kalpasan nito panangisuru ne̍ Je̍sus kadito toley, nawe̍ ka Kape̍rnaum.

Juan 15:2

Ket iya agten iyan, diya amin nga sanga nga naisilpu iyaken nga madi mamisic, ipac na. Ket diya agbisbisic nga sanga, dalusan na, tasun ad-adu nad ya maibisic da.

Aramid 20:29

Emmuc nga nad no awan nac kun, uwed da umbe̍t dakayu nga arig nga atap nga asu nga nauyung, ta gabay da nga pirdiyen ya panamati diya toley niya bungguy ne̍ Apu Diyus.

Aramid 26:11

Pe̍yeng ngac nga linumnec itun nga nawe̍ nangdusa igida kadiya amin nga paggigimungan mi nga Hudyu, tasun ipapilit ku igida nga agkagi da ka dake̍c maikuntra iya pammati da. Napalausan nga unay to kinauyung ku igida, ta nawe̍ yac met pe̍ kadiya il-ili diya bekken nga Hudyu, tasun mangirurumen nac kadiya Hudyu antuni nga pasurut ne̍ Je̍sus.

1 Te̍salunika 3:5

Ket itu ya gapu na nga nibon ku nge̍ Timutyu, ta maalinasag gac kun iya danag ku. Nibon ku ngarud tasun emmuwen mi no nabileg pekkem ya panamati nu. Ta madanagan nac ngamin, kaynun no sinulisug nakayun nge̍ Satanas, tasun awan sirsirbi yin nito bannug mi ito kauwed mi dakayu itun.

2 Pe̍dru 2:20

Kaspagarigan ya isa nga toley nga nipac nan diya dake̍c nga gangey nga tumaud idi nga lubung, gapu iya pannakaemmu nan e̍ Je̍su Kristu nga Apu tida se̍ Mangisalakan dactida: Ta no sumoli manin yan nga toley nga ipalubus na nga maabac manin kadito dake̍c nga gangey niya kinatoley, ket dacdake̍c met ya kasasaad nan ngem ito damu.

1 Juan 2:19

Didi nga kumunkuntra e̍ Kristu, ket bekken tida nga tutu nga kamkameng didi, itu nga simina da dactidan. Ta no tutu da kuma nga kamkameng tida, ituluy da kuma ya pannakitipun da dactida. Ngem simina da mettin, ket itu nga nabatadin nga bekken tida da nga tutu nga kamkameng.