Lukas 6:45 - Ya Baru nga Tulag

⁴⁵ Ket agten pe̍ iyan ya toley, ta nabaru ya tumaud iya nanacman nga toley, gapu ta nabaru met ya uwed iya lemlemmet na. Ket dake̍c met ya tumaud iya dake̍c nga toley, gapu ta dake̍c ya uwed iya lemlemmet na. Ta ya uwed iya lemlemmet niya isa nga toley, itu mettas ya maikagi niya musung na.

Lukas 6:45 Iomraidhean Croise

Juan 7:38

Agten mettas iya kunen na iya Bibliya nga, ya mamati iyaken, uwed arig nga agubbug nga danum nga gayat nad iya uneg na nga mange̍cde̍ ka biyag,” kunen ne̍ Je̍sus.

Aramid 5:3

Ket kinunen ne̍ Pe̍dru igina, “Ananyas, ape̍ pinalubusam nge̍ Satanas nga mangituray ikew, nga agbusid ka iya Ispiritu Santu win? Ta binatim met ya duduma nga bayad nito ginet mu.

E̍pe̍su 3:8

Ket orey iyaken ya kanumuwan kadiya amin nga toley ne̍ Apu Diyus, pinili nac latta nga mangipakaemmu dakayu nga bekken nga Hudyu kadiya nakaskasdaaw nga unay nga banbanag nga ipaay ne̍ Kristu dactida.

E̍pe̍su 4:29

Masapul nga awan dake̍c nga ibalikas nu, no di yas diya balikas nga mangpabileg ka nakem niya toley ya ibalikas nu, sigun iya kasapulan niya katkatbar nu, tasun matulungan kuma diya aggigicna dakayu.

E̍pe̍su 5:19

Ket iya agten iyan, no agkagi kayu kadiya kapada nu, ket diya banbanag dito salsalmu se̍ kankanta nga pagdayaw nu iya Apu kuma ya banag niya kagi nu, agten pe̍ diya duduma nga kankanta nga agtaud iya Ispiritu Santu. Ket agkankanta se̍ agtuctukar kayu kuma gapu iya panagdayaw nga uwed iya lemlemmet nu maipanggep iya Apu,

Kulusas 3:16

Ket diya sursuru nga nagtaud e̍ Kristu, itu kuma ya pe̍yeng nu nga laglagipen iya panagsisinnuru se̍ panagbibinnalakad nu maikanatad iya sirib nga e̍cde̍ ne̍ Apu Diyus. Ket iya agten iyan pe̍, agkankanta kayu kuma, nga agiiyaman kayu kuma nga siaayat e̍ Apu Diyus. Ta agkankanta kayu ngarud kadiya dandaniw nga uwed ayug da, se̍ kadiya kankanta nga pagdayaw e̍ Apu Diyus, se̍ iyayug nu kuma pe̍ diya duduma nga panagdayaw nu.

Kulusas 4:6

No makitbar kayu igida, naalumamay kuma nga pe̍yeng ya panagkagi nu, nga arig nga sida nga naasinan, tasun makapaawis kuma igida. Ta no agten iyan, sisasagana kayu ngarud ka kustu nga isungbat nu kadiya orey nagan na nga agsaludsud dakayu.

He̍briyu 8:10

Ket kunen na manin, ‘Agten idi ya baru nga tulag nga bangunec kadiya kapututan nito Israe̍l no madatngan nad ya timpu na: Ipay ku nad diya bilbilin ku iya panpanunut diya toltoley, ket ya lemlemmet da, itu nad ya arig nga pagisuratac kadidi nin. Ket iyaken nad ya Diyus da, ket igida nad met pe̍ diya toley ku.

Hudas 1:15

tasun arimanen na ya panangukum na no disidiren na nad diya amin nga toley maipanggep iya pagbanagan da. Ipakaemmu na nad ngarud diya amin nga dake̍c nga winangwangel diya amin nga madi agdayaw e̍ Apu Diyus. Ta ipanecnec na nad met nga maikuntra e̍ Apu Diyus dito winangwangel da gapu iya dake̍c nga ugali da. Ket ipakaemmu na nad pe̍ dito amin nga dake̍c nga nikagkagi diya managbasul nga madi agdayaw e̍ Apu Diyus,” kunen na.