Lukas 6:37 - Ya Baru nga Tulag

³⁷ “Ket madi kayu kuma pabasulen ya kapada nu, ket iya agten iyan, madi kayu met pe̍ mapabasul. Se̍ madi nu ukumen ya kapada nu, ket iya agten iyan, madi kayu pe̍ maukum. Mamakawan kayu, ket mapakawan kayu met pe̍.

Lukas 6:37 Iomraidhean Croise

E̍pe̍su 4:32

Ket ya wanglen nu kuma lugud, ket itu ya agkikinnaasi se̍ agpipinnateg kayu, nga agpipinnakawan kayu nga agten mettas ito panangpakawan ne̍ Apu Diyus dakayu gapu iya pannakaitipun nu e̍ Kristu.

Santiyagu 5:9

Madi kayu agpipinnabasul nga sitatagobotob, kakabsat, tasun awan ipabasul ne̍ Apu Diyus dakayu. Ngarud, nganngani mettin ya umbe̍t niya Mangeddeng dakayu, nga arig nga nganngani sumpuc iya gagayangan niya baley nu ya mangpabasul dakayun.

Markus 11:25

Ket tunggal agsikad kayu nga agkararag e̍ Apu Diyus, no uwed pekkem iyung-ungit nu iya kapada nu, ket pakawanen nu kuma ngarudin, tasun ya Ama nu nga uwed ka langit, pakawanen nakayu pe̍ kadiya basbasul nu.

Kulusas 3:13

Agpipinnase̍nsiya se̍ agpipinnakawan kayu kuma, no uwed mangumsi dakayu. Ket pakawanen nu ngarud diya kapada nu, agten mettas ito panangpakawan niya Apu dakayu.

Matyu 5:7

Nagasat diya managkaasi, ta igida ya makaasiyan nad met pe̍.

Matyu 18:30

“Ngem madi na met kinaasiyan, no di lugud nawe̍ na nipabalud agingga nga mabayadan nito pada na to utang na.

Lukas 6:36

Ngarud, dakayu, masapul nga managkaasi kayu, nga agten mettas iya gangey niya Ama nu nga managkaasi.”

Lukas 23:16

Dikad pe̍ dusaec nga pasaplit ku ngasin, se̍ yac iruwarin,” kunen na.

Aramid 3:13

E̍ Apu Diyus nga Diyus dito am-ama tida nga Abraham, Isaac, se̍ Hakub, nipadayaw na met nge̍ Je̍sus nga eb-ebbonen na. Ngem dakayu, niyawat nu nge̍ Je̍sus kadiya agtuturay, se̍ nidarum nu pe̍ e̍ Pilatu, orey gabay ne̍ Pilatu nga wayawayaan kuma.

Santiyagu 2:13

Tutu met yan, ta madi nad kaasiyan ne̍ Apu Diyus ya toley nga awan kaasi na. Ngem ya managkaasi, ket awan pakaukuman na.