Lukas 6:30 - Ya Baru nga Tulag

³⁰ E̍cdan nu ngarud ya orey nagan na nga agadeng dakayu. Se̍ no uwed mangpilit nga mamet ka sanicwa nu, di nu met ipilit nga paisoli yin.

Lukas 6:30 Iomraidhean Croise

Matyu 18:35

“Ket agten met pe̍ iyan ya wanglen niya nailangitan nga Amac iya tunggal isa dakayu, no madi kayu pakawanen nga sipupudnu ya kabsat nu,” kunen na.

Matyu 5:39

Ket ya ibagac dakayu, ket madi nu pulus nga balsen diya agwangel ka dake̍c dakayu. Kaspagarigan no uwed mangtungpa ikew iya diwanan nga pasngit mu, ket islam kuma pekkem ya katigid.

Matyu 6:12

Se̍ pakawanen nakami kuma kadiya basbasul mi, nga agten met iya panangpakawan mi kadiya nakabasul dakami.

Lukas 11:41

Dikad pe̍ no maipanggep iya e̍cde̍ nu nga limus, e̍cde̍ nu kuma sigun iya nabaru nga panpanunut nu. Ket no agten iyan ya wangwanglen nu, maibilang met nga nadalus para dakayu diya amin nga banbanagin.

Lukas 12:33

“Itu nga ilaku nu diya sanicwa nu, ket ya paglakuwan nu, ikaasi nu kadiya napanglaw. Ta ipateg nu kuma ya pagpunduwan nga madi marukup, nga itu ya pagurnungan enna langit ka kinabacnang nga madi macsayan. Ket madi pe̍ makalnec antuni diya mannanakew, se̍ awan pe̍ mabucbuc antuni.

Lukas 18:22

Ket ito nagicna ne̍ Je̍sus yan nga kunen nito pangulu, ket kinunen na igina, “Uwed pekkem mas isa nga masapul nga wanglem. Ilakum diya amin nga sansanicwam, se̍ ka iwaras ya paglakuwam kadiya napanglaw. Ket iya agten iyan, uwed nad kinabacnang mu ka langitin. Ket kalpasan niya panangiwaras mun, umbe̍t nac suruten nin,” kunen na.

Lukas 6:29

Ket no uwed mangtungpa iya pasngit mu, palubusam nga tungpaen na pekkem orey ya bangir. No uwed mangipanaw iya punyus mu, ket ipalubus mu met pe̍ nga alac na orey pe̍ ya badum.

Lukas 6:31

Ngarud, ya gabay nu nga mawangel kuma dakayu, itu kuma ya wanglen nu mettas iya kapada nu.

Lukas 6:38

Mange̍cde̍ kayu, ket mae̍cdan kayu met pe̍. Ngarud, no agten iyan, mae̍cdan kayu ka adu nga maikamboy dakayu, ta kustu met ya pagsukat nga mausar para dakayu, se̍ nasedsed se̍ agpatpatutuc pe̍ agingga ka aglablabni yin. Ta no kumaan niya panangaasi nu, agten nad met iyan ya pannakakaasi nu,” kunen na.

Aramid 20:35

Itu yan to pe̍yeng ku nga ipaspasingen dakayu, nga aggaget tida kuma, tasun makatulung tida kadiya makasapul ka tulung. Ta malagip tida kuma to kinunen ne̍ Apu Je̍sus, nga kinunen na, ‘Dacdackel ya anggem niya mange̍cde̍ ngem iya mae̍cdan,’ kunen ne̍ Apu Je̍sus itun.” Itu yan to gibus nga kinagi ne̍ Pablu.

2 Kurintu 8:9

Ket malagip nu pe̍ no kumaan to siaayat nga panangaasi niya Apu tida nga Je̍su Kristu. Ta orey sigud nga nabacnang itun enna langit, nagbalin nga napanglaw tasun agpaay kuma dakayu. Ket iya agten iyan, gapu ito kasasaad na nga napanglaw, dakayu met ya nagbalin nga arig nga nabacnangin maigapu e̍ Apu Diyus.

E̍pe̍su 4:28

Ket no uwed dakayu ya isa nga mannanakew itun, pagpatinggaen nan ya panagtakew na. Ket agwangel kuma lugud nga sigagaget kadiya nabaru win, tasun uwed kuma maitulung na kadiya uwed kasapulan da.