Lukas 6:27 - Ya Baru nga Tulag

²⁷ “Ngem dakayu nga aggigicna iyaken nin, kunec dakayu, nga ayaten nu lugud diya kumuntra dakayu, se̍ nabaru kuma ngas ya ipaay nu kadiya gumura dakayu.

Lukas 6:27 Iomraidhean Croise

Markus 4:24

Ket kinunen na pe̍ igida, “Panunuten nu nga nalaing diya magicna nu, nga arig nga rukuden nu didi. Ta mae̍cdan kayu nad ngarud ka pannakaawat sigun iya arig nga pagrukud nu ita. Ngarud, nakarkaru pekkem met ya mae̍cde̍ nad dakayu.

Lukas 23:34

Ket e̍ Je̍sus, kinunen na, “Ama, pakawanem kay diya mangwangel idi iyaken, ta di da maawatan ya banag niya wangwanglen da,” kunen na. Ket uwed da met nagbibinnunut nga nagbibingayan da diya luput ne̍ Je̍sus.

Lukas 6:22

“Nagasat kayu met, orey no guraen dakayu diya toltoley, se̍ no isina dakayu winno amisen dakayu, winno umsiyen da ya kinaturay nu, gapu mettas iya panamati nu iya Anac nga Naipatoley.

Lukas 6:35

“Ngem ya wanglen nu kuma nga gennung, ayaten nu lugud diya kumuntra dakayu, ket nabaru ya ipaay nu igida. Ket agpautang kayu nga orey awan namnamaen nu nga maibayad. Ket no agten iyan ya wanglen nu, dackel met ya maigun-guna dakayu, ket anac nakayu nga tutu ya Kangatuwan maigapu ka ugali. Ta igina, kaasiyan na met orey diya toley nga madi makaemmu nga agyaman, se̍ diya dake̍c nga toley.

Lukas 8:15

Ket dito bukel nga nagdessag iya napaw-is nga ginet, itu diya maiyarig kadiya toley nga makagicna pe̍ iya kagi ne̍ Apu Diyus, ket napudnu se̍ nadalus met ya nakem da no magicna da, ket agtalec da ngarud. Naanus da, ket agbanag ka nabaru ya panamati da,” kunen na.

Lukas 8:18

Itu nga agdengngeg kayu kuma nga nalaing. Ta ya kinapudnu na, ket ya toley nga uwed pannakaawat nan, madgaan nad pekkem. Ket ya awan pannakaawat na, maipac nad met igina orey diya pagpagarupen na nga maawatan na,” kunen na.

Lukas 8:8

Ket uwed da met duduma nga bukel nga nagdessag iya napaw-is nga ginet. Ket timubu, se̍ dimackel dan. Ket didi nga mula, namisic ya tunggal isa nga bukel nga naimula ka sagsangagasut,” kunen na. Ket ito nalpasin to panangisalaysay ne̍ Je̍sus idi nga pangngarig, kinunen na ka nabileg, “Dakayu nga uwed pannakaawat na, tandaanan nu kuma ngarud yanin,” kunen na.

Aramid 10:38

Ket emmu nu met pe̍ nga pinili ne̍ Apu Diyus nge̍ Je̍sus nga iNasare̍t nga nae̍cdan iya Ispiritu Santu se̍ iya pannakabalin na. Ket nagpaspasyar nge̍ Je̍sus nanipud ka Galilya, nga timultulung kadiya toley, se̍ pinalaing na pe̍ diya nasairuwan nga toley, ta uwed met nge̍ Apu Diyus igina.

Aramid 16:28

Ngem e̍ Pablu, nipkaw na ka nabileg nga kinunen na, “Madi ka ranggasan ya beggim, ta uwed kami pekkem nga amin idi,” kunen na.

Aramid 7:60

Se̍ nagparintumeng, ket binilgan na ya kararag nan nga nipkaw na, “Apu, pakawanem kay didi nga toley idi nga basul da iyaken,” kunen na. Kalpasan na nga nagkagi ka agten iyanin, natey mettin.

Galasiya 6:10

Dikad pe̍ gapu ta uwed gundaway tida nga agwangel ka nabaru ita, ipaay tida kuma ngarud kadiya amin nga toley, nangruna kadiya kakabsat tida ka pammati.

1 Te̍salunika 5:15

Laglagipen nu nga madi kayu balsen ka dake̍c diya agariman ka dake̍c dakayu. Ngem ya wanglen nu kuma nga gennung, ikarigatan nu lugud nga pe̍yeng ya agariman ka nabaru iya tunggal isa dakayu, se̍ orey kadiya amin nga toley.

3 Juan 1:11

Patgec nga gayyem, madi ka kuma ngarud tuladen ya ugali nga dake̍c, no di kuma ya nabaru ya tuladen nu. Ya agariman ka nabaru, ket kameng ne̍ Apu Diyus. Ngem ya agariman ka dake̍c, madi pekkem makaawat maipanggep iya gangey ne̍ Apu Diyus.