Lukas 6:24 - Ya Baru nga Tulag

²⁴ “Ngem no dakayu nga nabacnang, kackaasi kayu nga gennung, ta ita ngas met ya pannakaliwliwa nu.

Lukas 6:24 Iomraidhean Croise

Matyu 6:16

“Ket no uwed kari nu gapu iya pammati nu, nga mangiparit iya beggi nu nga mangan, singen nu tasun madi kuma mad-adlaw iya langa nu ya panaganus nu, nga agten iya gangey diya aginpapasnec. Ta pasabaliyen da ya langa diya rupa da, tasun masingen diya toley ya panaganus da nga madi mangan. Ket pudnu met nga itu wasin ya gun-guna dan.

Matyu 6:2

“Itu nga no mangikaasi ka kadiya makasapul, madi ka kuma ipacpakaemmu kadiya toltoley ya wangwanglem. Ta bekken kayu kuma ngarud nga agten kadito aginsisingpet nga toley nga agpatangguyub met kadiya gigimungan se̍ kadiya kalkalsada, tasun dayawen diya toley da. Pudnu met nga itu wasin ya gun-guna diya agten iyan nga toley.

Matyu 6:5

“Ket no agkararag ka, madi ka kuma pe̍ tultuladen diya aginsisingpet. Ta magustuwan da ya agkararag nga nakasikad kadiya gigimungan se̍ kadiya paguurnungan toley kadiya kalkalsada, tasun masingen diya toley da. Pudnu met nga itu wasin ya gun-guna dan.

Lukas 6:25

Dakayu nga awan kasapulan na ita, kackaasi kayu pe̍, ta agbisin kayu nad met. Dakayu nga agag-agalec ita, kackaasi kayu pe̍, ta agladingit se̍ agberrit kayu nad met.”

1 Timutyu 6:17

Ket no maipanggep kadiya babacnang, ibagam igida nga di da kuma tumangsit gapu iya kinabacnang da. Ta napateg ngas idi nga lubung yan nga kinabacnang da, ket nalaka pe̍ nga mapukaw nad mettas. Bekken kuma nga itu ya namnamaen da, no di lugud e̍ Apu Diyus. Igina ya paggayatan diya amin nga pakaragsakan tida, nga igina met ya manage̍cde̍ kadiya amin nga kasapulan tida.

Santiyagu 2:6

Ngem dakayu, uyawen nu met diya napanglaw. Bekken met nga igida diya mangparigat dakayu, no di lugud diya babacnang. Ket diya babacnang met pe̍ diya mangidarum dakayu.