Lukas 6:21 - Ya Baru nga Tulag

²¹ Dakayu nga mabisbisin ita, nagasat kayu, ta mapnec kayu nad mettas. Dakayu nga agladladingit ita, nagasat kayu, ta aggalgalec kayu nad nga siraragsac.

Lukas 6:21 Iomraidhean Croise

Matyu 5:4

Nagasat diya agladladingit, ata igida nad ya uwed pakaliwliwaan da.

Matyu 5:6

Nagasat diya agtarigagay kadiya nalinteg nga panggep ne̍ Apu Diyus, ta mapnec da nad mettas.

Lukas 1:53

Diya nakurkurangan itun, napnec dan gapu kadiya nabaru nga nipaay na igida. Ngem diya babacnang nga gennung, pinagawir na da nga awan naipaay igida.

Lukas 6:20

Ket itun, siningen ne̍ Je̍sus diya pasurut na, ket kinunen na igida, “Dakayu nga makasapul, nagasat kayu, ta uwed dakayu ya panangituray ne̍ Apu Diyus.

Lukas 6:22

“Nagasat kayu met, orey no guraen dakayu diya toltoley, se̍ no isina dakayu winno amisen dakayu, winno umsiyen da ya kinaturay nu, gapu mettas iya panamati nu iya Anac nga Naipatoley.

Lukas 6:25

Dakayu nga awan kasapulan na ita, kackaasi kayu pe̍, ta agbisin kayu nad met. Dakayu nga agag-agalec ita, kackaasi kayu pe̍, ta agladingit se̍ agberrit kayu nad met.”

Juan 11:35

Ket nagluwa met pe̍ nge̍ Je̍susin.

Juan 4:10

Ket kinunen ne̍ Je̍sus igina, “No emmum kuma ngas ya sagut nga ipaay ne̍ Apu Diyus, se̍ no nagan ku nga agad-adeng ikew ka inumec nga danum, ikew kuma ngin ya umadeng iyaken, ket e̍cdan naka ka makabiyag nga danum,” kunen na.

Juan 6:35

Ket e̍ Je̍sus, kinunen na ngarud igida, “Iyaken met yan nga pagbiyag, nga maiyarig ka makan nga pakabiyagan. Itu nga ya umadenni nga sumurut iyaken, madi met mabisinin. Ket ya mamati iyaken, madi pe̍ mewwew win.

1 Kurintu 4:11

Manipud itun nga agingga ita, maparigatan kami nga mabisbisin se̍ mew-ewwew. Kurang diya pagkawwes mi, se̍ pasaray kami makabkabil. Ket awan pe̍ emmu mi nga mawe̍ kam pagtudugan.

2 Kurintu 11:27

Nagbannug gac se̍ nagrigrigat tac. Ket pe̍yeng nga nasulsulapan nac. Nabisbisin se̍ new-ewwew wac. Ket name̍n-adu wac nga nagkurang ka kanen, se̍ nal-alminan nac se̍ nagkurang diya pagluput ku.

2 Kurintu 12:10

Ket iya agten iyan, gapu iya panagsirsirbic e̍ Kristu, pakaragsakac ngas met diya pagkapsutac, se̍ diya pakaiyal-alyewwac se̍ diya pakarigrigatac se̍ pakairurumnac se̍ diya pagladladingitac. Ta emmuc nga ya pagkapsutac, ket itu met yan ya pakapabilgac.

2 Kurintu 6:10

Ket ibilang dakami nga lumdaang, ngem naragsac kami met latta nga pe̍yeng. Ibilang dakami nga napanglaw, ngem gapu dakami, adu met diya nagbalin nga arig nga nabacnangin iya pammati da. Ket ibilang dakami nga awan bukud mi nga kukuwa idi nga lubung, ngem naipaay met dakami ya amin nga banbanag.

Santiyagu 1:12

Uwed pakaragsakan niya toley nga aganus iya pakaparparigatan na. Ta kalpasan niya panaganus na, agballaigi, ket mae̍cdan iya biyag nga agnanayun, nga arig nga maibalangat igina. Itu ya biyag nga nikari ne̍ Apu Diyus kadiya agayat igina.

Paltiing 21:3

Ket nagicnac itun ya isa nga nabileg nga timec nga gayat ito trunu ka langit, nga kinunen na, “Kad yan! Uwed kadiya toltoley yin ya pagedyanan ne̍ Apu Diyus, ket makipagedyan met nge̍ Apu Diyus igidan. Ket iya agten iyan, igida nad ngarud diya toley ne̍ Apu Diyus. Ket e̍ Apu Diyus, makibulun mettas igida, ket igina ya Diyus da.

Paltiing 7:16

Madi da pulus nga agbisin winno mewwew win. Madi da mapudutan iya sinagin, winno iya orey nagan na nga makapapudutin.