Lukas 6:20 - Ya Baru nga Tulag

²⁰ Ket itun, siningen ne̍ Je̍sus diya pasurut na, ket kinunen na igida, “Dakayu nga makasapul, nagasat kayu, ta uwed dakayu ya panangituray ne̍ Apu Diyus.

Lukas 6:20 Iomraidhean Croise

Matyu 11:5

Ibaga nu nga makasingen nin diya kulap, makadalanin diya lugpi, napalaingin diya agkukutel, se̍ makagicna ngin diya tuleng. Ket diya natey, napaungar dan. Diya nanumu nga toley, nakaskasabaan dan iya Makaparagsac nga Damag.

Matyu 25:34

“Ket kunen nad niya Ari kadiya uwed iya madiwanan na, ‘Umbe̍t kayun, dakayu nga pinagasatan niya Amac! Makipagtawid kayu ngarudin iya pannakairaman nu iya pagiturayan, nga itu ya tawid nu nga naisagana para dakayu manipud ito pannakaparsuwa niya lubung.

Matyu 5:1

Ket ito nasingen ne̍ Je̍sus dito nakad-adu nga toley, nanang-at ka tageytey. Ito nakatugew antuni nin, imadenni igina diya pasurut na.

Lukas 12:32

“Dakayu nga tekkut nga bungguy ku, madi kayu kuma mansing. Ta ya Ama nu, magustuwan nakayu met pe̍ nga pagturayen iya pagiturayan na.

Lukas 13:28

Ket masingen nu nad nga uwed iya pagturayan ne̍ Apu Diyus to Abraham, Isaac, Hakub se̍ dito amin nga mammadtu. Ket agberrit se̍ agngaretnget kayu nad ngarud, ta dakayu, nalaskig kayu mettin.

Lukas 14:15

Ket ito nagicna niya isa kadito nakisangu e̍ Je̍sus yan nga kinagi na, kinunen na met e̍ Je̍sus, “Nagasat ngarud ya toley nga makisangu nga makipangan nad iya pagiturayan ne̍ Apu Diyus!” kunen na.

Lukas 16:25

“Ngem kinunen ne̍ Abraham, ‘Ay, anac ku, lagipem mas nga ito sibibiyag ka pekkem, naglak-am ka met ka nakaay-ayu nga nanam-ay nga banbanag. Ngem e̍ Lasaru nga gennung, karigatan nga banbanag ngas met to nalak-aman na itun. Ngem ita, maliwliwa met idi nin. Ket ikew met ya agrigrigatin.

Lukas 4:18

“Uwed iyaken ya Ispiritu niya Apu, ta pinili nac nga mae̍cdan, tasun mangikasaba ngac iya damag nga makaparagsac kadiya nanumu nga toley. Nibon nac met nga mangiwaragawag iya pannakawayawaya diya natagabu, se̍ ya pannakasingen manin diya nakulap, se̍ tasun wayawayaac diya maparparigat.

Aramid 14:22

tasun pabakedden da ya panamati diya pasurut niya Apu antuni. Binagbagaan da da nga ituluy da kuma ya isusurut da iya pammati iya Apu, nga kinunen da, “Dactida nga mamati iya Apu, masapul met nga maparparigat tida nga unay. Ket iya agten iyan, makipaglak-am tida nad iya panangituray ne̍ Apu Diyus dactida,” kunen da igida.

2 Kurintu 6:10

Ket ibilang dakami nga lumdaang, ngem naragsac kami met latta nga pe̍yeng. Ibilang dakami nga napanglaw, ngem gapu dakami, adu met diya nagbalin nga arig nga nabacnangin iya pammati da. Ket ibilang dakami nga awan bukud mi nga kukuwa idi nga lubung, ngem naipaay met dakami ya amin nga banbanag.

2 Kurintu 8:2

Ta orey nakaru ya rigat da nga pakasuutan niya panamati da itun, napalalu latta ya anggem da. Ket orey nakaru nga unay ya kinapanglaw da, sibubuslun latta ya panange̍cde̍ da ka ikaasi da kadiya kapada da.

2 Kurintu 8:9

Ket malagip nu pe̍ no kumaan to siaayat nga panangaasi niya Apu tida nga Je̍su Kristu. Ta orey sigud nga nabacnang itun enna langit, nagbalin nga napanglaw tasun agpaay kuma dakayu. Ket iya agten iyan, gapu ito kasasaad na nga napanglaw, dakayu met ya nagbalin nga arig nga nabacnangin maigapu e̍ Apu Diyus.

1 Te̍salunika 1:6

Ket itun, tinulad dakami se̍ ya Apu. Ta orey napalaus to rigrigat nu itun, namati kayu latta iya kagi ne̍ Apu Diyus. Ket naganggem kayu met pe̍ itun gapu iya anggem nga ipaay niya Ispiritu Santu.

2 Te̍salunika 1:5

Ket ya panagitured nu kadiya rigrigat nu, itu yan ya mangipakaemmu nga kustu ya pananglinteg ne̍ Apu Diyus. Ket iya agten iyan, maisagana kayu nga maikari iya panangituray ne̍ Apu Diyus. Ket ya panangituray na, itu mettas ya gapu niya pakaparparigatan nun.

Santiyagu 1:12

Uwed pakaragsakan niya toley nga aganus iya pakaparparigatan na. Ta kalpasan niya panaganus na, agballaigi, ket mae̍cdan iya biyag nga agnanayun, nga arig nga maibalangat igina. Itu ya biyag nga nikari ne̍ Apu Diyus kadiya agayat igina.

Santiyagu 2:5

Tandaanan nu yani, patpatgec nga kakabsat: Diya ibilang diya toley nga napanglaw, itu met diyan diya pinili ne̍ Apu Diyus nga pangipaayan ka nabaked nga panamati, nga arig nga nabacnang da ka panamati da. Ket napili da pe̍ nga makipagtawid iya pannakairaman da kadiya iturayan ne̍ Apu Diyus, nga itu ya nikari na kadiya agayat igina.

Paltiing 2:9

Emmuc diya pakaparigatam se̍ ya kinapanglaw mu. Ngem ya kinapudnu na, ket nabacnang ka met! Ket emmuc pe̍ diya pakapadpadake̍kam kadito agkunkunen nga Hudyu da kanu, ngem ya kinapudnu na, bekken da nga pudnu nga Hudyu, no di lugud kamkameng da met iya bungguy ne̍ Satanas.