Lukas 6:19 - Ya Baru nga Tulag

¹⁹ Ket amin dito toltoley, gabay da nga se̍cde̍ngen kuma nge̍ Je̍sus, ta uwed met pannakabalin nga tumaud igina nga mangpalaing igida nga amin.

Lukas 6:19 Iomraidhean Croise

Matyu 14:36

Ket nipacpakaasi da nga no mabalin, orey se̍cde̍ngen da kuma nge̍ Je̍sus, orey no yan nas gayad niya luput na. Ket amin nga nakase̍cde̍ng, ket napalaing da met.

Markus 3:10

Ta adu ngamin diya pinalaing nan, itu nga agdidinnurun mettin diya uwed sarut na nga umadenni igina, tasun mase̍cde̍ng da kuma.

Markus 5:30

Ket e̍ Je̍sus, sigida met nga nadlaw na nga uwed pannakabalin nga rinumwar iginan. Itu nga limaw-ing kadiya adu nga toley, nga kinunen na, “Nagan ya nangse̍cde̍ng iya luput ku wi?” kunen na.

Markus 6:56

Ngarud, iya orey awac nga napennan ne̍ Je̍sus, barbaryu man, winno il-ili, winno purpuruc, ket ipen diya toltoley diya agsakit iya plasa na. Ket nipacpakaasi da nga no mabalin, se̍cde̍ngen kuma diya agsakit nge̍ Je̍sus, orey no yan nas gayad niya luput na. Ket amin nga nakase̍cde̍ng igina, ket napalaing da met.

Markus 8:22

Ket nakadateng de̍ Je̍sus ka Be̍tsayda itun. Ket uwed da toley antuni nga nangipen iya edyan ne̍ Je̍sus ka isa nga lalaki nga kulap. Nipacpakaasi da ngarud nga icman kuma ne̍ Je̍sus.

Lukas 5:17

Ket iya isa nga algew, ito mangisursuru nge̍ Je̍sus, uwed da pe̍ nagtugtugew iyan nga Parisiyu se̍ manursuru iya Linteg. Gayat da kadiya amin nga il-ili ka Galilya se̍ ka Hudya, se̍ uwed da pe̍ gayat ka He̍rusale̍m. Ket uwed met e̍ Je̍sus ya pannakabalin ne̍ Apu Diyus nga mangpalaing ka agsakit.

Lukas 6:18

Nawe̍ da ngarud antuni, tasun aggigicna da e̍ Je̍sus, se̍ tasun paagasan da diya sacsakit da. Ket diya toley antuni nga parparigaten sairu, ket nalaingan da met.

Aramid 19:12

Ta orey no pangyu winno mongmong ngas nga inusar na, nipen diya toley kadiya agsakit se̍ kadiya naluganan ka sairu, ket nalaingan mettin diya agsakit se̍ pimanaw diya sairu nga limugluganin.

1 Pe̍dru 2:9

Ngem dakayu, napili kayu nga toley ne̍ Apu Diyus, se̍ agsirsirbi kayu nga maipaay igina nga Ari tida. Dakayu pe̍ ya naibilang nga nasyun nga maipaay igina. Dakayu ngarud diya toley nga pinagbalin na nga dungdungnguwen na. Agten iyan ya nikeddeng ne̍ Apu Diyus, tasun dakayu kuma ya mangipakaemmu maipanggep iya kinadayaw na, nga igina ya nangisalakan dakayu iya arig nga gicbet, se̍ nisaad nakayun iya wada na nga nakaskasdaaw.