Lukas 6:17 - Ya Baru nga Tulag

¹⁷ Ket ito managus da ito tageytey, nagsardeng nge̍ Je̍sus iya nasimpa nga lugar, ket uwed adu nga pasurut na antuni. Adu pe̍ diya duduma nga toley nga uwed ennan, nga gayat da kadiya il-ili ka prubinsiya nga Hudya, se̍ gayat da pe̍ ka He̍rusale̍m, se̍ uwed da pe̍ gayat ka Tiru, se̍ Sidun, nga itu dito duwa nga ili nga denni iya baybay.

Lukas 6:17 Iomraidhean Croise

Matyu 11:21

Ket kinunen na met, “Kackaasi kayu nga iKorasin se̍ dakayu nga iBe̍tsayda! Ta orey adu win diya nakaskasdaaw nga naipasingen dakayu kadiya ili nu, madi kayu latta nga agbabawi kadiya basbasul nu. Ket no dito iTiru se̍ iSidun kuma nga gennung ya nakaipasingnan diyan nga nakaskasdaaw, ket nalaka da lugud nga nipasingen nga agbabawi dan, nga agkawwes da ngarud ka nakatel nga luput se̍ aburan da kuma diya ulu da ka dapagin, gapu iya ladingit da.

Matyu 12:15

Ket ito naemmuwan ne̍ Je̍sus to panggep dito Parisiyu, pimanaw iyan nga lugar. Adu met diya toltoley nga nibulun igina. Ket amin diya agsakit igida, pinalaing na,

Matyu 14:14

Ket ito nakagacdang nge̍ Je̍susin, nasingen na dito nakad-adu nga toley. Ket naasiyan igida, ket pinalaing na diya agsakit igida.

Matyu 15:21

Ket pimanaw nge̍ Je̍sus antuni nin, nga nawe̍ iya sakup diya siyudad nga Tiru se̍ Sidun.

Matyu 5:1

Ket ito nasingen ne̍ Je̍sus dito nakad-adu nga toley, nanang-at ka tageytey. Ito nakatugew antuni nin, imadenni igina diya pasurut na.

Lukas 5:15

Ngem imad-adda lugud nga nagdinamag nge̍ Je̍sus, ket adu nga unay diya toley nga nawe̍ naggigicna igina se̍ nagpaagas igina kadiya sacsakit da.

Lukas 6:12

Ket iya isa nga algew itun, nawe̍ nanang-at nge̍ Je̍sus iya isa nga tageytey, tasun agkararag. Ket nagwakas met ennan nga nagkarkararag e̍ Apu Diyus.

Lukas 6:16

se̍ e̍ Hudas nga anac ne̍ Santiyagu, se̍ to Hudas Iskariyute̍, nga itu to nagbalin nga nangliput.

Lukas 6:18

Nawe̍ da ngarud antuni, tasun aggigicna da e̍ Je̍sus, se̍ tasun paagasan da diya sacsakit da. Ket diya toley antuni nga parparigaten sairu, ket nalaingan da met.