Lukas 6:13 - Ya Baru nga Tulag

¹³ Ket ito kadamlag na, inayaban na dito pasurut na, ket pimili ka sangapulu ket duwa igida. Ket itu dito toley nga inawagan na nga apustule̍s.

Lukas 6:13 Iomraidhean Croise

Matyu 10:2

Ket igida didi diya nagnagan dito sangapulu ket duwa nga apustule̍s: Mona, e̍ Simon nga managan pe̍ ka Pe̍dru, se̍ e̍ Andre̍s nga kabsat ne̍ Simon, se̍ e̍ Santiyagu nga anac ne̍ Se̍be̍dyu, se̍ e̍ Juan nga kabsat ne̍ Santiyagu,

Matyu 19:28

Ket kinunen ne̍ Je̍sus igida, “Pudnu met yani nga ibagac dakayu: Dakayu nga sumurut iyaken ita, ket maipatugew kayu nad met nga situturay ka sangapulu ket duwa nga trunu. Agten iyan nad ngarud iya kabarbaru nga timpu, no agtugew win nga situturay ya Anac nga Naipatoley iya trunu na nga pakaidayawan na. Ket dakayu nad ya mangdisidir maipanggep kadiya kapututan dito sangapulu ket duwa nga anac nito Israe̍l.

Matyu 9:36

Ket ito nasingen na dito adu nga toltoley nga naurnung antuni, naasiyan ngarud igida, ta arig da nga karne̍ru nga awan agay-aywan igida, nga nariribuc se̍ nagewweng da.

Markus 6:30

Ket dito adalan ne̍ Je̍sus, ito simoli da nga gayat ito nakaibonan da, naguurnung da ito edyan ne̍ Je̍sus. Ket nipadamag da igina diya amin nga winangwangel da se̍ nisursuru da.

Markus 6:7

Ket iya isa nga algew, pinaadenni na dito sangapulu ket duwa nga adalan na, ket sinagduduwa na da nga nibon. Nitalec na igida ya pannakabalin nga mangpatalew kadiya sairu.

Lukas 11:49

Itu nga sigun iya kinasirib ne̍ Apu Diyus, kunen na nga, ‘Uwed da pekkem nad ibon ku igida nga mammadtu se̍ apustule̍s. Ket diya ibon ku, uwed da nad met patayen diya toltoley, se̍ diya duduma igida, irurumen nad met diya toltoley da.’

Lukas 22:30

Itu nga mabalin nu ya makisangu nad iyaken nga mangan iya pagturayac. Ket pagtugawen nakayu nad pe̍ nga mangipangulu kadiya kapututan dito sangapulu ket duwa nga anac nito Israe̍l.”

Lukas 6:14

Pinili na nge̍ Simon nga pinanaganan na pe̍ ka Pe̍dru, se̍ e̍ Andre̍s nga kabsat ne̍ Simon, de̍ Santiyagu nge̍ Juan, de̍ Pe̍lipe̍ nge̍ Bartulume̍,

Juan 4:33

Itu nga nagsisinnaludsud dito adalan, nga kinunen da, “Uwed kid inumbe̍t nga nange̍cde̍ ka kanen na?” kunen da.

Aramid 1:13

Ket ito nakadateng dan iya paged-edyanan da ka He̍rusale̍m, nimune̍c da se̍ da nimuneg iya siled da. Igida diyan de̍ Pe̍dru, Juan, Santiyagu, Andre̍s, Pe̍lipe̍, Tumas, Bartulume̍, Matyu, se̍ e̍ Santiyagu nga putut ne̍ Alpiyu, se̍ e̍ Simon nga maawagan ka Pasnec, se̍ e̍ Hudas nga anac niya isa nga Santiyagu.

E̍pe̍su 2:20

Arig kayu nga parparte̍ niya isa nga baley. Ket diya apustule̍s se̍ mangikaskasaba iya kagi ne̍ Apu Diyus, itu diya maiyarig iya nakaisaadan nidi nga arig nga baley. Ket e̍ Kristu Je̍sus mettas ya maiyarig iya kangrunaan nga panuli na.

E̍pe̍su 4:11

Ket e̍ Kristu ngarud ya nange̍cde̍ ka nadumaduma nga pannakabalin kadiya toley na. Ket uwed da dinutukan na nga agbalin nga apustule̍s, se̍ diya agbalin nga mangikaskasaba iya kagi ne̍ Apu Diyus. Ket uwed duduma nga dinutukan na nga agbalin nga mangipakaemmu iya Makaparagsac nga Damag, se̍ diya agbalin nga agay-aywan se̍ manursuru kadiya mamati.

He̍briyu 3:1

Itu nga dakayu nga kakabsat nga pinili ne̍ Apu Diyus nga toley na se̍ kabulun mi nga maipaayan ka nailangitan nga saad, ut-utuben nu kuma ya maipanggep e̍ Je̍sus. Ta igina met ya nibon ne̍ Apu Diyus nga arig nga apustul, se̍ igina pe̍ ya tutu nga Kangatuwan nga Agsirsirbi nga mangibegbeggi iya pammati tida.

2 Pe̍dru 3:2

Ta tantandaanan nu kuma dito kinagkagi dito mammadtu nga nagsirbi e̍ Apu Diyus itun se̍ to paglinteggan niya Apu tida nga Mangisalakan dactida, nga itu ya nibilin diya apustule̍s na dakayu.

Paltiing 12:1

Ket itun, uwed nasingen iya abac lawa nga nakaskasdaaw nga pagilasinan. Itu ya isa nga babey, nga arig met nga naikawwes ya sinag iginan. Ket ya bulan met ya pagsikadan na. Ket ya ulu na, nabalangatan ka kuruna nga uwed sangapulu ket duwa nga bituwen na.

Paltiing 18:20

Aganggem kayu ngarudin, dakayu nga taga-langit! Ngarud, aganggem kayu pe̍ yin, dakayu nga toley ne̍ Apu Diyus, agraman dakayu nga apustule̍s se̍ mammadtu! Aganggem kayu ngarud gapu iya napasamac iyan nga siyudad. Ta ya panangukum ne̍ Apu Diyus ito siyudad, itu met ya panangibales nan ito panangparigat nito siyudad dakayu!

Paltiing 21:14

Ket to bakud nito siyudad, naisimpa ka sangapulu ket duwa nga batu nga itu ya nakaisaadan na. Ket naisurat kadidi diya sangapulu ket duwa nga nagnagan diya sangapulu ket duwa nga apustule̍s niya Urbun Karne̍ru.