Lukas 5:8 - Ya Baru nga Tulag

⁸ Ket nadlaw ngarud nito Simon Pe̍dru ya banag nito napasamac, itu nga nagparintumeng ngarud iya sangu ne̍ Je̍sus, nga kinunen na, “Adeyyuwan nac kay Apu, ta managbasul lac ngas met,” kunen na.

Lukas 5:8 Iomraidhean Croise

Matyu 17:6

Ket ito nagicna dito adalan na yan, napalaus ngarud ya ansing dan, ket nagdarongkeb da iya ginet tin.

Matyu 2:11

Ket ito nakadateng da iyan nga baley, imuneg da, ket nasingen da ya ebbing se̍ e̍ Marya nga ina na. Ket nagparintumeng da ngarud nga nagdayaw ito ebbing. Ket kalpasan na, linukatan da diya nagpayan da ka sagut da, se̍ da sinagutan ya ebbing ka balituc, nabangug nga mapooran, se̍ sapsapu nga mirra.

Matyu 8:8

Ngem to kapitan, kinunen na igina, “Ay, bekken nin, Apu, ta madi yac met maikari nga mangsangaili ikew iya baley ku. Basta ikagim kuma ngasin ya bilin mu, tasun malaingan kuma ngin ya eb-ebbonec.

Lukas 5:7

Itu nga pinalbe̍t da ngarud diya kabulun da nga uwed ito sabali nga bangka, tasun umbe̍t da tumulung igida. Ket nawe̍ da ngarud, ket pinnu da met ka lames dito duwa nga bangka, agingga ka dandani nga lumned din dito bangka.

Lukas 5:9

Ta nasdaaw ngamin nge̍ Simon se̍ amin diya kabulun na pe̍ gapu ito kaadu nito nakalapan da nga lames.

Juan 11:32

Ket ito nakadateng nge̍ Marya ito edyan ne̍ Je̍sus, nagparintumeng iya sangu na, nga kinunen na e̍ Je̍sus, “No uwed ka kuma idi itun Apu, madi kuma natey ya kabsat ku!” kunen na.

1 Kurintu 13:12

Ket agten pe̍ iyan ya kasasaad tida ita, ta ita nga timpu, arig nga sumingsingen tida kadiya nasarmingan nas nga banbanag nga bekken pekkem nga nabatad. Ngem natarus nad mettas ya pannakaawat tida. Ngarud, ita nga timpu, kurang pekkem ya pannakaawat ku maipanggep e̍ Apu Diyus. Ngem maawatac nad met ya aminin, agten mettas iya pannakaawat ne̍ Apu Diyus iya amin maipanggep iyaken nin.

Paltiing 1:17

Ket ito nasingec to arig nga toley, nagdarongkeb bac mettin iya sangu na nga arig gac met nga natey yin. Ket ya napasamac itun, nipatey na met iyaken ya diwanan nga ima na, nga kunen na, “Madi ka mansing, a. Ta iyaken met ya kaonaan se̍ ya kaodiyan ka amin.