Lukas 5:5 - Ya Baru nga Tulag

⁵ Ket kinunen ne̍ Simon, “Mistru, nagwacwakas kami met nga nagkalap, ngem awan pulus naalac mi. Ngem orey agten iyan, no iwayat mi nga kunem, tungpalec ngarud ya kagim,” kunen na.

Lukas 5:5 Iomraidhean Croise

Lukas 17:13

ket nipkaw da e̍ Je̍sus nga kinunen da, “Je̍sus! Apu! Kaasiyan nakami kay!” kunen da.

Lukas 8:24

Ket dito adalan, nawe̍ da ngarud linukag nge̍ Je̍susin, nga kinunen da, “Mistru, Mistru! Matey tidan!” kunen da. Ket bimangun nge̍ Je̍sus, se̍ na met binilin to belluut se̍ dito dadackel nga palung nga agtalna da, ket natalna met ya aminin.

Lukas 8:45

Ket kinunen ne̍ Je̍sus, “Nagan ya nangse̍cde̍ng iyaken?” kunen na. Ngem kinunen da nga amin, “Bekken nga iyaken.” Itu nga kinunen met ne̍ Pe̍dru, “Mistru, madi ta emmu, ta adu met diya toley iya le̍cbut mu, ket makisinsinne̍let da pe̍ ikew,” kunen na.

Lukas 9:33

Ket ito pumanpanawin dito duwa nga lalaki iya edyan ne̍ Je̍sus, kinunen ne̍ Pe̍dru igina, “Mistru, nabaru ya kauwed tida idi. Mangariman kami kuma ka tellu nga pagliduman: ya isa para ikew, isa para e̍ Muyse̍s, se̍ isa para e̍ E̍lyas,” kunen na. Ngem kinagi na ngas yan ta madi na emmu ya tumutup nga kagiyen na.

Lukas 9:49

Ket kinunen ne̍ Juan, “Mistru, uwed nasingen mi nga isa nga lalaki nga mangpatpatalew ka sairu gapu iya panangusar na iya nagan mu. Ket nilbec mi ngarud, ta bekken tida met nga kabulun,” kunen na.

Juan 15:14

Ket dakayu, gagayyem nakayu ngarud no tungpalen nu ya ibilin ku.

Juan 2:5

Ket to ina ne̍ Je̍sus, kinunen na kadiya agsirsirbi iyan, “Orey nagan ya ibaga na dakayu, tungpalen nu was, a,” kunen na.

Juan 21:3

Ket itun, nalagip nito Simon Pe̍dru ya mawe̍ aglames, itu nga kinunen na kadito kabulun na nga, “Mawe̍ yac lugud aglames,” kunen na. Ket kinunen dito duduma, “Umbe̍t kami met pe̍,” kunen da. Ket nawe̍ da ngarud, nga nagbangka da nga nagkalap. Ngem pulus nga awan met naalac da nga nagwakas.