Lukas 5:36 - Ya Baru nga Tulag

³⁶ Ket kinagi pe̍ ne̍ Je̍sus igida yani nga pangngarig: “Madi tida met pumigis iya kabarbaru nga kawwes tasun uwed itakup tida iya daan nga kawwes. Ta no agten iyan ya wanglen tida, duwa ngin ya sipar nan. Ta uwed ngarud pigis nito kabarbaru nga kawwes, ket to maitakup, bekken pe̍ nga maitutup iya pakaitakupan na.

Lukas 5:36 Iomraidhean Croise

Lukas 5:35

Ngem madatngan nad ya timpu nga maipanaw igidan ya nubyu, ket itu nad mettin ya timpu nga mangiparit da iya beggi da nga mangan,” kunen na.

Lukas 5:37

Ket kaspagarigan manin no ya papayan ka basi, madi met rumbeng nga ipay tida ya banal nga basi ka daan nga kadus nga lalat. Ta no agten iyan ya wanglen tida, bettaken nad met niya banal nga basi ya kadus nga lalat. Ket iya agten iyan, mibuyat nad ya basi yin, se̍ mapirdi pe̍ yin ya nakaipayan na nga kadus nga lalat.

2 Kurintu 6:16

Maiyarig pe̍ yani iya te̍mplu nga pagedyanan ne̍ Apu Diyus se̍ diya bulbultu. Ta diya bulbultu, bekken da met nga tumutup iya te̍mplu ne̍ Apu Diyus. Ket ya kinapudnu na, dactida met ya te̍mplu nga paged-edyanan niya sibibiyag nga Diyus! Itu met to nibaga ne̍ Apu Diyus itun nga kinunen na, “Igida nad ya pagedyanac, ket makibulubulun nac nad igidan. Ta iyaken nad ya daydayawen da nga Diyus da, ket igida ya ibilang ku nga toley ku,” kunen na.