Lukas 5:30 - Ya Baru nga Tulag

³⁰ Ket dito Parisiyu se̍ dito kabulun da nga manursuru iya Linteg, nagtanabotob da, nga kinunen da kadito adalan ne̍ Je̍sus, “Ape̍ nga kasangsangu nu nga mangan se̍ umin-inum diya agsingsingir ka buis se̍ diya managbasul?” kunen da.

Lukas 5:30 Iomraidhean Croise

Matyu 5:46

“Ket agten kayu kuma pe̍ iyan, ta no diyan nas toley nga agayat dakayu ya ayaten nu, bekken kayu nga maikari iya igun-guna ne̍ Apu Diyus. Ta orey diya kagura nu nga agsingsingir ka buis, agten met pe̍ iyan ya wangwanglen da.

Matyu 9:11

Ket dito Parisiyu, nasingen da yan, itu nga kinunen da ngarud kadiya adalan ne̍ Je̍sus, “Ape̍ nga kasangsangu met niya mistru nu nga mangan diya agsingsingir ka buis se̍ diya managbasul?” kunen da.

Markus 2:16

Ket diya Parisiyu nga manursuru iya Linteg, nasingen da nge̍ Je̍sus nga makisangsangu nga mangan kadiya agsingsingir ka buis se̍ kadiya managbasul nga toley. Itu nga kinunen da ngarud kadito adalan na, “Ape̍ nga kasangsangu na met nga mangan diya agsingsingir ka buis se̍ diya managbasul?” kunen da.

Markus 7:3

Ta diya Parisiyu se̍ diya amin nga duduma nga Hudyu, ket tungtungpalen da ngarud to alagaden dito am-ama da, nga madi da mangan no madi da pekkem natungpal to alagaden da maipanggep iya panagbeggu.

Markus 9:16

Ket kinunen ne̍ Je̍sus igida, “Nagan ngarud ya pagdidiskutiran nu?” kunen na.

Lukas 18:11

Ket to Parisiyu, nagsikad nga is-isa nga nagkararag. Ket kinunen na, ‘Apu Diyus, agyaman nac ikew, ta bekken nac nga agten kadiya duduma nga toley, nga agten kadiya agtakew, nasikap, se̍ diya makitipun kadiya bekken da nga asawa. Ket bekken nac pe̍ nga agten iya toley nga iyan nga agsingsingir ka buis.

Lukas 19:7

Ket diya toltoley nga nakasingen iyan, nagtantanabotob da nga amin, nga kinunen da maipanggep e̍ Je̍sus, “Ahah! Nawe̍ met yan nga toley nga nagpasangaili ka managbasul!” kunen da.

Lukas 5:17

Ket iya isa nga algew, ito mangisursuru nge̍ Je̍sus, uwed da pe̍ nagtugtugew iyan nga Parisiyu se̍ manursuru iya Linteg. Gayat da kadiya amin nga il-ili ka Galilya se̍ ka Hudya, se̍ uwed da pe̍ gayat ka He̍rusale̍m. Ket uwed met e̍ Je̍sus ya pannakabalin ne̍ Apu Diyus nga mangpalaing ka agsakit.

Lukas 5:21

Ket dito manursuru iya Linteg, se̍ dito Parisiyu, kinunkunen da iya lemlemmet da, “Ahah! Maikuntra met e̍ Apu Diyus ya kagkagiyen nidi nga toley! Awan met makapakawan ka basul no di yas e̍ Apu Diyus,” kunen da.

Lukas 7:34

Ket nagparang ya Anac nga Naipatoley, nga mangmangan se̍ makiin-inum met nga gennung, ket kunkunen nu manin, ‘Ahah! Narawet se̍ age̍ng-e̍nglew met yani, ket makigayyem met pe̍ kadiya agsingsingir ka buis se̍ diya managbasul,’ kunen nu met nga sidedellaw.

Lukas 7:39

Ket to Parisiyu nga nangawis e̍ Je̍sus iya baley na, ito nasingen na to winangel nito babey, kinunen na met iya lemlemmet na maipanggep e̍ Je̍sus, “No pudnu nga mammadtu yani nga toley, malasin na kuma met no nagan nidi nga babey nga mangse̍cse̍cde̍ng igina, se̍ emmu na met no kumaan niya ugali na. Ta managbasul met yani nga babey,” kunen na iya lemlemmet na.

Aramid 23:9

Dikad pe̍ napagas da nga unay nga nagpipinnekkawin. Ket uwed diya Parisiyu nga manursuru iya Linteg Hudyu nga nagsikad nga sipipinget nga nangikalinteggan, nga kinunen da, “Awan emmu mi nga basul nidi nga toley, ta mabalin met nga tutu nga uwed nakatbar na nga kararuwa niya isa nga natey, winno isa nga anghe̍l,” kunen da.