Lukas 5:3 - Ya Baru nga Tulag

³ Ket limugan ngarud nge̍ Je̍sus iya isa kadito bangka, nga itu to bangka ne̍ Simon. Ket nibaga na e̍ Simon nga ipadeyyu na kuma kanu ka e̍teng iya gacdang. Kalpasan na, nagtugew nge̍ Je̍sus ito bangka, nga nangisuru kadito toltoley yin.

Lukas 5:3 Iomraidhean Croise

Matyu 4:18

Ket ito manmanalan nge̍ Je̍sus iya pingit nito baybay ka Galilya, uwed da nasingen na nga agkabsat nga mangngalap, nga igida de̍ Simon nga maawagan pe̍ ka Pe̍dru, se̍ e̍ Andre̍s. Madama da nga agtabtabukul itun.

Markus 3:10

Ta adu ngamin diya pinalaing nan, itu nga agdidinnurun mettin diya uwed sarut na nga umadenni igina, tasun mase̍cde̍ng da kuma.

Markus 3:9

Ket gapu iya kaadu niya toley, binilin ne̍ Je̍sus diya adalan na nga mangisagana da ka bangka, tasun madi kuma mailet.

Lukas 5:2

Ket itun, uwed met nasingen ne̍ Je̍sus nga duwa nga bangka iya pingit nito baybay. Awan toley kadito bangka, ta dito mangngalap, dinumsag dan, ket daldalusan dan diya iket da.

Juan 8:2

Ket ito kadamlag na, nasapa nga simoli nge̍ Je̍sus iya Te̍mplu manin. Ket diya toltoley, nawe̍ da ito edyan na ket inarikoyopan da. Ket e̍ Je̍sus, nagtugew nga nangisuru igida.