Lukas 5:27 - Ya Baru nga Tulag

²⁷ Kalpasan niyan, pimanaw manin nge̍ Je̍sus iyan. Ket nasingen na ya isa nga agsingsingir ka buis, nga agnagan ka Le̍bi, nga nakatugew iya upisina nga babayadan ka buis. Ket kinunen ne̍ Je̍sus igina, “Suruten nac,” kunen na.

Lukas 5:27 Iomraidhean Croise

Matyu 10:3

de̍ Pe̍lipe̍ nge̍ Bartulume̍, e̍ Tumas se̍ e̍ Matyu nga agsingsingir ka buis, se̍ e̍ Santiyagu nga anac ne̍ Alpiyu, se̍ e̍ Tadyu,

Matyu 16:24

Ket kinunen ne̍ Je̍sus itun kadito adalan na, “No uwed mayat nga sumurut iyaken, masapul nga ipalikud na diya mismu nga tarigagay na, ket se̍ masapul nga anusan na ya arig nga panangagtu na iya krus na nga pakailansaan na, ket sumurut ngarud iyaken nin.

Matyu 8:22

Ngem kinunen ne̍ Je̍sus, “Suruten nac lugudin, ta biyang met diya maiyarig ka natey ya makaemmu kadiya minatey da,” kunen na met.

Markus 3:18

Se̍ pinili na pe̍ de̍ Andre̍s, Pe̍lipe̍, Bartulume̍, Matyu, Tumas, se̍ e̍ Santiyagu nga anac ne̍ Alpiyu, e̍ Tadyu, se̍ e̍ Simon nga maawagan ka Pasnec,

Lukas 18:22

Ket ito nagicna ne̍ Je̍sus yan nga kunen nito pangulu, ket kinunen na igina, “Uwed pekkem mas isa nga masapul nga wanglem. Ilakum diya amin nga sansanicwam, se̍ ka iwaras ya paglakuwam kadiya napanglaw. Ket iya agten iyan, uwed nad kinabacnang mu ka langitin. Ket kalpasan niya panangiwaras mun, umbe̍t nac suruten nin,” kunen na.

Juan 1:43

Ito kadamlag na, nalagip ne̍ Je̍sus ya mawe̍ ka prubinsiya nga Galilya. Ket naaskuran na nge̍ Pe̍lipe̍ nga iBe̍tsayda nga kailiyan de̍ Andre̍s nge̍ Pe̍dru. Ket kinunen ne̍ Je̍sus e̍ Pe̍lipe̍, “Suruten nac,” kunen na.

Juan 12:26

Ket iya agten iyan, ya mayat nga agsirbi iyaken, masapul nga iyaken ya suruten na, tasun orey no awac ya kapennac, itu met pe̍ yin ya edyan niyan nga agsirsirbi iyaken. Ket diya amin nga agsirsirbi iyaken, idaydayaw nad ngarud niya Ama,” kunen na.