Lukas 5:21 - Ya Baru nga Tulag

²¹ Ket dito manursuru iya Linteg, se̍ dito Parisiyu, kinunkunen da iya lemlemmet da, “Ahah! Maikuntra met e̍ Apu Diyus ya kagkagiyen nidi nga toley! Awan met makapakawan ka basul no di yas e̍ Apu Diyus,” kunen da.

Lukas 5:21 Iomraidhean Croise

Matyu 26:65

Ket iya agten iyan itun, siuunget mettin to kangatuwan nga agsirsirbi iya Te̍mplu nga pinigis na to mismu nga kawwes na, nga kinunen na, “Ke̍h! Nagkagi mettin ka maikuntra e̍ Apu Diyus! Awan pakasapulan tidan ka sabali nga sacsi yin, ta nagicna nu mettin ya kagi na mettas nga maikuntra e̍ Apu Diyus.

Matyu 9:3

Ket uwed da met itun manursuru iya Linteg Hudyu antuni nga kinunen da iya lemlemmet da, “Ahah! Maikuntra met e̍ Apu Diyus ya kagkagiyen nidi nga toley!” kunen da.

Lukas 3:8

Diya wangwangel nga tumutup iya napudnu nga panagbabawi kuma lugud ya ipasingen nu iya panagbiyag nu. Ket di nu met kunkunen iya lemlemmet nu nga, ‘Orey a, ta e̍ Abraham met to am-ama mi.’ Bay-an nu ngarud ya agten iyan nga panpanunut. Ta ya kinapudnu na, orey didi ngas nga batu, mabalin met pe̍ nga pagbalinen ne̍ Apu Diyus nga an-anac nito Abraham, no gabay na.

Lukas 5:17

Ket iya isa nga algew, ito mangisursuru nge̍ Je̍sus, uwed da pe̍ nagtugtugew iyan nga Parisiyu se̍ manursuru iya Linteg. Gayat da kadiya amin nga il-ili ka Galilya se̍ ka Hudya, se̍ uwed da pe̍ gayat ka He̍rusale̍m. Ket uwed met e̍ Je̍sus ya pannakabalin ne̍ Apu Diyus nga mangpalaing ka agsakit.

Lukas 5:22

Ngem emmu ne̍ Je̍sus to uwed iya lemlemmet da, itu nga kinunen na igida, “Ape̍ nga agten iyan ya lemlemtan nu?

Lukas 7:49

Ket dito duduma nga sisasangu ito panganan, kinunen da iya panagtetebbar da, “Nagan kid aya yani nga toley, ta mamakawan kanu met ka basul!” kunen da.

Juan 10:33

Ket kinunen met dito Hudyu igina, “Bekken nga gapu iya isa nga nabaru nga winangel mu ya pangdampagan mi ikew, no di lugud gapu iya kagim nga maikuntra iya kinapudnu maipanggep e̍ Apu Diyus. Ta toley ka ngas met, ngem pagbalinem met nga Diyus ya beggi mun!” kunen da.

Ruma 8:33

Ket no dactida nga pinili ne̍ Apu Diyus, emmu tida nga awan makapabasul dactida iya imatang ne̍ Apu Diyusin. Ta e̍ Apu Diyus met ya nangibilang dactida nga nalinteg iya imatang na.