Lukas 5:2 - Ya Baru nga Tulag

² Ket itun, uwed met nasingen ne̍ Je̍sus nga duwa nga bangka iya pingit nito baybay. Awan toley kadito bangka, ta dito mangngalap, dinumsag dan, ket daldalusan dan diya iket da.

Lukas 5:2 Iomraidhean Croise

Matyu 4:18

Ket ito manmanalan nge̍ Je̍sus iya pingit nito baybay ka Galilya, uwed da nasingen na nga agkabsat nga mangngalap, nga igida de̍ Simon nga maawagan pe̍ ka Pe̍dru, se̍ e̍ Andre̍s. Madama da nga agtabtabukul itun.

Matyu 4:21

Ket nituluy ne̍ Je̍sus ya nanalan, ket uwed da manin nasingen na nga duwa nga sabali nga agkabsat, nga anac ne̍ Se̍be̍dyu, nga itu de̍ Santiyagu nge̍ Juan. Kabulun da nge̍ ama da nga Se̍be̍dyu, ket uwed da iya bangka da nga agay-ayuma kadiya iket da. Inayaban ne̍ Je̍sus dito agkabsat,

Markus 1:16

Ket ito manmanalan nge̍ Je̍sus iya pingit nito baybay ka Galilya, uwed nasingen na nga duwa nga mangngalap, nga agnagan ka Simon se̍ Andre̍s, nga agkabsat. Madama da nga agtabtabukul itun.

Markus 1:19

Ket nituluy ne̍ Je̍sus ya nanalan ka e̍teng, ket nasingen na diya anac ne̍ Se̍be̍dyu, nga agnagan ka Santiyagu se̍ Juan. Didi nga agkabsat, uwed da iya bangka da nga agay-ayuma kadiya iket da.

Lukas 5:1

Ket ito name̍nsan, uwed nge̍ Je̍sus nga gasisikad iya pingit nito baybay ka Ge̍ne̍sare̍t. Ket umadenni mettin diya toltoley igina agingga nga inil-ilet dan, ta gabay da ya agdengngeg iya kagi ne̍ Apu Diyus.

Lukas 5:3

Ket limugan ngarud nge̍ Je̍sus iya isa kadito bangka, nga itu to bangka ne̍ Simon. Ket nibaga na e̍ Simon nga ipadeyyu na kuma kanu ka e̍teng iya gacdang. Kalpasan na, nagtugew nge̍ Je̍sus ito bangka, nga nangisuru kadito toltoley yin.

Juan 1:40

Ket ya isa kadito duwa nga nakagicna ito nibaga nito Juan, nga igina pe̍ to nipuyut e̍ Je̍sus itun, ket itu nge̍ Andre̍s nga kabsat ne̍ Simon Pe̍dru.