Lukas 5:1 - Ya Baru nga Tulag

¹ Ket ito name̍nsan, uwed nge̍ Je̍sus nga gasisikad iya pingit nito baybay ka Ge̍ne̍sare̍t. Ket umadenni mettin diya toltoley igina agingga nga inil-ilet dan, ta gabay da ya agdengngeg iya kagi ne̍ Apu Diyus.

Lukas 5:1 Iomraidhean Croise

Matyu 11:12

Ket nanipud ito nagparang nito Juan nga Mammautisar agingga ita mettas, sumilse̍let diya naagawa nga toley, tasun ipilit da ya pannakalak-am kuma niya beggi da iya panangituray niya Nailangitan.

Matyu 14:34

Ket ito nakadelmangin nge̍ Je̍sus se̍ dito adalan na, simanglad da ka Ge̍ne̍sare̍t.

Markus 3:9

Ket gapu iya kaadu niya toley, binilin ne̍ Je̍sus diya adalan na nga mangisagana da ka bangka, tasun madi kuma mailet.

Markus 4:1

Ito name̍nsan manin, uwed nge̍ Je̍sus iya pingit niya baybay ka Galilya, nga mangisursuru manin. Ket gapu ta adu nga unay diya toltoley nga naguurnung ito edyan ne̍ Je̍sus, nawe̍ ngarud nagtugew iya isa nga bangka nga uwed iya danum. Ket dito toltoley, nagedyan da iya gacdang ito pingit niya baybay.

Markus 5:24

Ket nibulun ngarud nge̍ Je̍sus igina, se̍ adu pe̍ diya toltoley nga nipuyut igina, nga inilet da met nge̍ Je̍susin.

Markus 6:53

Ket ito nakadelmangin nge̍ Je̍sus se̍ dito adalan na, simanglad da ka Ge̍ne̍sare̍t, ket nipundu dan to bangka da.

Lukas 12:1

Ket itun, rinibu met diya toltoley nga naur-urnung, ket naggiginnudel da mettin ka sacsaka da gapu iya kaadu da. Ket iya imatang didi nga toltoley, nagkagi nge̍ Je̍sus itun, nangruna kadito adalan na, nga kinunen na, “Annadan nu ngarud ya panaginnanacman diya Parisiyu, nga maiyarig ka pangpablad nga uwed igida.

Lukas 5:2

Ket itun, uwed met nasingen ne̍ Je̍sus nga duwa nga bangka iya pingit nito baybay. Awan toley kadito bangka, ta dito mangngalap, dinumsag dan, ket daldalusan dan diya iket da.

Lukas 8:22

Ket iya name̍nsan nga algew, naglugan nge̍ Je̍sus se̍ dito adalan na ka bangka, ket kinunen na igida, “Dumelmang tidan,” kunen na. Ket naggunay da ngarudin.

Lukas 8:23

Ket ito dumeldelmang dan, nakatudug nge̍ Je̍susin ito bangka. Ket ya napasamac itun, nagbelluut met ka nabileg gin, ket adu ya danum nga nawe̍ iya uneg nito bangka dan, itu nga dilikadu ngarud ya kasasaad dan.

Lukas 8:33

Ket pimanaw ngarud dito sairu ito lalaki, ket nawe̍ da met limugan kadito abuyin. Ket dito abuy, nagtatagtag da mettin nga nanagus iya nangiras, nga nawe̍ da ito baybayin, ket nalisem da mettin.

Lukas 8:45

Ket kinunen ne̍ Je̍sus, “Nagan ya nangse̍cde̍ng iyaken?” kunen na. Ngem kinunen da nga amin, “Bekken nga iyaken.” Itu nga kinunen met ne̍ Pe̍dru, “Mistru, madi ta emmu, ta adu met diya toley iya le̍cbut mu, ket makisinsinne̍let da pe̍ ikew,” kunen na.

Juan 1:40

Ket ya isa kadito duwa nga nakagicna ito nibaga nito Juan, nga igina pe̍ to nipuyut e̍ Je̍sus itun, ket itu nge̍ Andre̍s nga kabsat ne̍ Simon Pe̍dru.

Juan 6:1

Iya name̍nsan kalpasan niyan, dimelmang de̍ Je̍sus ito baybay ka Galilya nga maawagan ka Baybay nga Tibe̍riyas.

He̍briyu 13:7

Laglagipen nu kuma pe̍ dito non-ona nga nangipangulu nga nangipakaemmu iya kagi ne̍ Apu Diyus dakayu itun. Panunuten nu kuma no kumaan nito ugali da, se̍ to nabaru nga nagbanagan dito ugali da, ket tuladen nu to panamati da.