Lukas 4:43 - Ya Baru nga Tulag

⁴³ Ngem kinunen ne̍ Je̍sus igida, “Masapul nga ikasabac kadiya duduma pekkem nga il-ili ya Makaparagsac nga Damag maipanggep iya panangituray ne̍ Apu Diyus, ta itu met ya nakaibonac,” kunen na.

Lukas 4:43 Iomraidhean Croise

Matyu 4:23

Ket nawe̍ ngarud pinasyar ne̍ Je̍sus diya amin nga parte̍ niya prubinsiya nga Galilya. Ket nangisursuru kadiya gigimungan da, nga nikaskasaba na ya Makaparagsac nga Damag maipanggep iya nadiyusan nga panangituray. Ket pinalaing na pe̍ diya toley kadiya orey nagan na nga sakit winno kinakapsut da.

Markus 1:35

Ket iya parbangun pekkem ito kadamlag na, bimangun nge̍ Je̍sus, se̍ pimanaw ito ili nga nawe̍ ka lugar nga awan matagtagitoley na. Ket nagkararag antuni nin.

Juan 20:21

Ket inulit ne̍ Je̍sus nga kinunen na igida, “Talna kuma ya uwed dakayu.” Ket kinunen na pe̍, “No kumaan nito panangibon niya Ama iyaken, ket agten met pe̍ iyan ya panangibon ku dakayun,” kunen na.

Juan 9:4

Ya ita nga timpu, maiyarig iya algew. Itu nga masapul nga wanglen tida diya ipawangel niya nangibon iyaken. Ta nad no timpu nga arig nga gumabi yin, awan makawangel lin.

Aramid 10:38

Ket emmu nu met pe̍ nga pinili ne̍ Apu Diyus nge̍ Je̍sus nga iNasare̍t nga nae̍cdan iya Ispiritu Santu se̍ iya pannakabalin na. Ket nagpaspasyar nge̍ Je̍sus nanipud ka Galilya, nga timultulung kadiya toley, se̍ pinalaing na pe̍ diya nasairuwan nga toley, ta uwed met nge̍ Apu Diyus igina.

2 Timutyu 4:2

Ket ya ibilin ku ikew, agten idi: Ipakaemmum nga pe̍yeng ya kagi ne̍ Apu Diyus orey no uwed pakarigatam. Mamagbaga ka nga ipalawag mu kadiya toley diya pagkurangan da. Mangilbec se̍ mamatigmaan ka. Ket iya panangtungpal mu kadiyan, siaanus ka kuma nga pe̍yeng iya panangisurum igida.