Lukas 4:41 - Ya Baru nga Tulag

⁴¹ Ket adu da met pe̍ dito naluganan ka sairu, ket pinagtalew ne̍ Je̍sus dito sairu nga naglugan igida. Ket ne̍c-e̍cre̍s dito sairu nga kinunen da, “Ikew ya Anac ne̍ Apu Diyus!” kunen da. Ngem e̍ Je̍sus, binilin na da, nga di na pinalubusan nga agkagi da, gapu ta emmu da met nga igina ya Kristu.

Lukas 4:41 Iomraidhean Croise

Matyu 26:63

Ngem madi neg-egkim nge̍ Je̍sus. Ket kinunen ngarud manin nito kangatuwan nga agsirsirbi iya Te̍mplu, “Ibagam nga sisasapata iya turay niya sibibiyag nga Diyus, no tutu nga ikew ya Kristu, nga naipadtu nga Anac ne̍ Apu Diyus,” kunen na.

Matyu 4:3

Ket imadenni to mangsulisug, ket kinunen na e̍ Je̍sus, “No tutu nga Anac naka nge̍ Apu Diyus, bilinem man didi nga batu nga agbalin da nga tinapay,” kunen na.

Matyu 8:16

Ket ito gidamin iyan mettas nga algew, ne̍lbe̍t diya toltoley iya edyan ne̍ Je̍sus diya adu nga naluganan ka sairu. Ket pinagtalew na dito sairu gapu was iya kinagi na. Ket diya agsakit, pinalaing na da met pe̍ nga amin.

Matyu 8:29

Ket dito duwa nga lalaki, kinunen da e̍ Je̍sus ka nabileg, “Anac ne̍ Apu Diyus! Nagan ngarud ya biyang mu dakami? Inumbe̍t ka aya idi tasun parigaten nakami ita, sacbay niya naikeddeng nga pannakadusa mi?” kunen da.

Matyu 8:4

Ket kinunen ne̍ Je̍sus igina, “Madi ka ibagbaga ya maipanggep idi iya orey nagan na. Mawe̍ ka ipasingen ya beggim iya agsirsirbi iya Te̍mplu, se̍ agidatun ka ka sagut nga maikanatad iya bilin nito Muyse̍s, tasun maipanecnec kadiya toltoley ya pannakapalaing mu,” kunen na.

Markus 1:25

Ngem pinagulimec met ne̍ Je̍sus to sairu nga naglugan, nga kinunen na nga siiinget, “Madi ka mamagas! Agtalew ka iyan nga toley yin!” kunen na.

Markus 1:32

Ket ito nisurneb ya sinagin iyan mettas nga algew, ne̍lbe̍t diya toltoley iya edyan ne̍ Je̍sus diya amin nga agsasakit se̍ diya naluganan ka sairu.

Markus 1:34

Adu ngarud diya pinalaing ne̍ Je̍sus itun nga agsagsagaba ka nadumaduma nga sakit, se̍ adu pe̍ diya sairu nga pinagtalew na ka toley. Ket madi na pinalubusan nga agkagi dito sairu, ta emmu da met no nagan na nge̍ Je̍sus.

Markus 3:11

Ket diya sairu nga lumuglugan ka toley iyan, no masingen da nge̍ Je̍sus, pagparintumengngen da met da iya sangu na, se̍ kunen da nga ipkaw, “Ikew ya Anac ne̍ Apu Diyus!” kunen da.

Lukas 4:39

Nawe̍ ngarud nge̍ Je̍sus nga nagdokot iya abay niya ida nito agsakit, ket pinaunay na met to dagang na. Ket nalaingan mettin. Ket to babey, sigida met nga bimangunin, ket nagistimar pe̍ ka para igidan.

Juan 20:31

Ket diya naisurat idi nga libru, naisurat da tasun patiyen nu kuma nga e̍ Je̍sus, igina ya Kristu nga Anac ne̍ Apu Diyus. Ket no mamati kayu, maipaayan kayu ngarud ka biyag nga agnanayun, gapu iya kinaturay na.

Santiyagu 2:19

Ket ikew, kunem nga patiyem nga awan sabali nga Diyus, malacsid e̍ Apu Diyus. Ket nabaru met yan, a. Ngem orey pe̍ diya sacsairu, mamati da met pe̍ iya agten iyan, ket agpilpilpig da pe̍ gapu iya ansing da.