Lukas 4:35 - Ya Baru nga Tulag

³⁵ Ngem pinagulimec met ne̍ Je̍sus to sairu, nga kinunen na nga siiinget, “Madi ka mamagas! Agtalew ka iyan nga toley yin!” kunen na. Ket pinagdegsut mettin nito sairu to lalaki iya tengnga dito toltoley, se̍ nagtalew ngarudin, nga di na inan-anu win to lalaki nga nagluganan na.

Lukas 4:35 Iomraidhean Croise

Matyu 17:18

Ket binilin ngarud ne̍ Je̍sus to sairu nga pumanawin, ket nagtalew mettin ito ebbing. Ket nalainganin iyan mettas nga kanitu.

Matyu 8:26

Ket kinunen ne̍ Je̍sus igida, “Ape̍ mansing kayu? Nakapsut met ya panamati nu!” kunen na. Ket bimangun nge̍ Je̍sus, se̍ na met binilin to belluut se̍ palung nga agtalna da. Ket natalna met nga tutu ya aminin.

Markus 1:26

Ket to sairu, pinageddan na mettin to lalaki nga naglugluganan na, se̍ kinumre̍s ka nabileg, ket nagtalew ngarud ito lalaki yin.

Markus 4:39

Ket bimangun nge̍ Je̍sus, se̍ na met binilin to belluut nga agtalna, ket kinunen na pe̍ iya danum, “Agsardeng kan! Agtalna kan!” kunen na. Ket nagsardeng ngarud to belluut, ket natalna met nga tutu ya aminin.

Markus 9:26

Ket nagkerre̍s met to sairu win, se̍ na pinagkeskessiw to ebbing ka nakar-aryec, se̍ pimanaw ngarudin. Ket to ebbing, agten met iya isa nga bangkayin. Itu nga adu diya nagkunen nga, “Natey mettin!”

Lukas 11:22

Ngem no uwed nabilbileg ngem igina nga sumlung se̍ mangabac igina, agawen ngarudin niyan nga nabilbileg nga toley diya amin nga armas nga nagtaltalged nito akin-baley, se̍ na iwaras kadiya kabulun na diya tinakew na.

Lukas 4:23

Ket kinunen ne̍ Je̍sus igida, “Emmuc ngarud nga gabay nu nga ipalagip iyaken yani nga pagkakagi nga kunen na, ‘Duktur, agasam ya mismu nga beggim!’ Ket mabalin nga kunen nu pe̍ nga, ‘Arimanem man pe̍ idi nga ilim diya nadamdamag mi nga inariman mu enna Kape̍rnaum.’”

Lukas 4:39

Nawe̍ ngarud nge̍ Je̍sus nga nagdokot iya abay niya ida nito agsakit, ket pinaunay na met to dagang na. Ket nalaingan mettin. Ket to babey, sigida met nga bimangunin, ket nagistimar pe̍ ka para igidan.

Lukas 4:41

Ket adu da met pe̍ dito naluganan ka sairu, ket pinagtalew ne̍ Je̍sus dito sairu nga naglugan igida. Ket ne̍c-e̍cre̍s dito sairu nga kinunen da, “Ikew ya Anac ne̍ Apu Diyus!” kunen da. Ngem e̍ Je̍sus, binilin na da, nga di na pinalubusan nga agkagi da, gapu ta emmu da met nga igina ya Kristu.

Lukas 8:24

Ket dito adalan, nawe̍ da ngarud linukag nge̍ Je̍susin, nga kinunen da, “Mistru, Mistru! Matey tidan!” kunen da. Ket bimangun nge̍ Je̍sus, se̍ na met binilin to belluut se̍ dito dadackel nga palung nga agtalna da, ket natalna met ya aminin.

Lukas 9:39

Ket nalugluganan met ka sairu. Ket pasaray kellat nga pagekkisen, se̍ pagkessiwen nito sairu, ket aglaglagotab met pe̍ ya musung na. Ket madi na gabay ya pumanaw iya ebbing, agingga nga di na pasakiten ka adu.

Lukas 9:42

Ket ito umad-adenni pekkem to ebbing ito edyan ne̍ Je̍sus, nitucbang mettin nito sairu, ket pinagkessiw na pe̍ yin. Ngem binilin ne̍ Je̍sus to sairu nga pumanawin. Ket pinalaing na ngarud to ebbing, se̍ na niyawat e̍ ama na.

Paltiing 12:12

Dikad pe̍ anggem kuma ngas ya uwed ka langitin, se̍ uwed kuma ngarud pe̍ yin pakaragsakan diya aged-edyan ka langit! Ngem no ya ginet se̍ baybay iya lubung, kackaasi da nga gennung, ta itu ya nagdessagan nito diyablu win. Ket napalaus ya unget nan, ta emmu na nga e̍teng ngin ya gundaway nan,” kunen met nito timec.