Lukas 4:32 - Ya Baru nga Tulag

³² Ket nasdaaw met diya nakagicna igina, gapu ta naturay ya panangisuru na.

Lukas 4:32 Iomraidhean Croise

Markus 1:22

Ket nasdaaw diya naggigicna igina, ta naturay met ya panangisuru na, nga bekken nga agten iya panangisuru diya manursuru iya Linteg.

Lukas 2:47

Nagseddaaw diya amin nga nakagicna igina gapu iya sirib na se̍ diya nalaing nga sungbat na.

Lukas 4:33

Ket ito gigimungan, uwed met isa nga lalaki nga naluganan ka sairu. Nipkaw na met ka nabileg gin nga kinunen na,

Lukas 4:36

Ket nasdaaw da nga amin, ket nagtetebbar da nga kinunen da, “Kumaan ngata ya agten iyan nga naturay nga kagi? Ta uwed met turay se̍ pannakabalin na nga mangbilin kadiya sairu, ket pumanaw da nga tutu,” kunen da.

Juan 6:63

Maemmuwan nu kuma nga madi ngarud makae̍cde̍ ka biyag ya beggi niya toley. Ta yan nas Ispiritu ne̍ Apu Diyus ya makae̍cde̍ ka biyag. Dikad pe̍ dito kinagic dakayu, ket maipanggep met iya Ispiritu ne̍ Apu Diyus, se̍ ya biyag nga e̍cde̍ na.

Juan 7:46

Ket kinunen dito guwardiya, “Agingga ita, awan pekkem nga tutu nakakagi ka nainsiriban nga agten iya panagkagi nituni nga toley!” kunen da.

2 Kurintu 4:2

no di lugud inadeyyuwan mi ngasin diya pampamaayen nga sinisikap, se̍ diya nakal-alyew. Ket se̍ adeyyuwan mi pe̍ yin ya mangallilaw ka toley iya panursuru mi, se̍ madi kami met sabaliyan ya banbanag niya kagi ne̍ Apu Diyus. Ngem ya pamaayen mi nga gennung, itarus mi lugud ya pudnu, nga awan ilinglinged mi. Ipasingen mi kadiya amin nga toley ya napudnu nga panggep mi, tasun mamati da kuma. Ket emmu pe̍ ne̍ Apu Diyus nga tutu yani.

1 Te̍salunika 1:5

Ta ito nikasaba mi ya Makaparagsac nga Damag dakayu itun, uwed ngarud to nikagkagi mi nga nilawlawag mi dakayu, ket nabileg met to panamati nu ito kagi mi. Ngem bekken nas nga gapu kadito kagkagi mi to panamati nu itun, no di pe̍ lugud gapu iya pannakabalin ne̍ Apu Diyus se̍ ya tulung niya Ispiritu Santu. Ket emmu nu pe̍ nga napaw-is to ugali mi nga nasingen nu dakami ito nakibulbulun kami dakayu. Ta to panggep mi dakayu itun, yan nas mangtulung dakayu.

Titu 2:15

Ket didi kuma ngarud ya isurum se̍ ibilin mu nga sipapasnec, Titu. Ket situturay ka kuma ngarud nga mangipakaemmu kadiya toley ennan kadiya basbasul da. Ket awan kuma ngarud madi mangipangag iya isursurum.