Lukas 4:18 - Ya Baru nga Tulag

¹⁸ “Uwed iyaken ya Ispiritu niya Apu, ta pinili nac nga mae̍cdan, tasun mangikasaba ngac iya damag nga makaparagsac kadiya nanumu nga toley. Nibon nac met nga mangiwaragawag iya pannakawayawaya diya natagabu, se̍ ya pannakasingen manin diya nakulap, se̍ tasun wayawayaac diya maparparigat.

Lukas 4:18 Iomraidhean Croise

Matyu 11:5

Ibaga nu nga makasingen nin diya kulap, makadalanin diya lugpi, napalaingin diya agkukutel, se̍ makagicna ngin diya tuleng. Ket diya natey, napaungar dan. Diya nanumu nga toley, nakaskasabaan dan iya Makaparagsac nga Damag.

Matyu 12:18

“Igina yani ya eb-ebbonec, nga pinilic. Igina ya patpatgec nga pakaay-ayuwac. Ibon ku nad ya Ispirituc nga mangbulun igina, ket ipakaemmu na kadiya bekken nga Hudyu ya nalinteg nga panagkeddeng ku.

Matyu 12:20

Madi na nad kettuwen ya nabekkog nga tabagan winno ikapus nga ipac ya apuy niya pabilu nga uwed pekkem asuc na, agingga nga di na pekkem matungpal nga sibaballaigi ya nalinteg nga pangngeddeng ku.

Matyu 4:16

Diya toltoley antuni, maiyarig kadiya aged-edyan iya gicbet. Ngem ita, nasingen dan ya nabileg nga wada. Ngarud, diya maiyarig kadiya aged-edyan iya lugar nga pakatayan, ket uwed met wada nga nangdarang igidan,” kunen nito mammadtu itun.

Matyu 5:3

“Nagasat diya mangipudnu iya kinakurang da maipanggep e̍ Apu Diyus, ta uwed met igida ya panangituray niya Nailangitan.

Lukas 4:17

Ket naiyawat igina ya nalukut nga pagbasaan, nga libru nito mammadtu nga Isayas. Binicrad na, ket sinapul na, se̍ na met nibasa to naisurat nga agten idi:

Lukas 6:20

Ket itun, siningen ne̍ Je̍sus diya pasurut na, ket kinunen na igida, “Dakayu nga makasapul, nagasat kayu, ta uwed dakayu ya panangituray ne̍ Apu Diyus.

Lukas 7:22

Ket iya agten iyan, kinunen ne̍ Je̍sus kadito nibon ne̍ Juan, “Sumoli kayu iya edyan ne̍ Juan, ket ibaga nu igina diya nasingen se̍ nagicna nu idi. Ibaga nu nga makasingen nin diya kulap, makadalanin diya lugpi, napalaingin diya agkukutel, se̍ makagicna ngin diya tuleng. Ket diya natey, napaungar dan. Diya nanumu nga toley, nakaskasabaan dan iya Makaparagsac nga Damag.

Juan 1:41

Ket e̍ Andre̍s, sigida nga nawe̍ na sinapul nge̍ Simon nga kabsat na, ket nibaga na e̍ Simon, “Nasmac mi ngarudin ya Me̍siyas!” kunen na. (Kagi diya Hudyu ya “Me̍siyas”, nga kayat na nga kagiyen, “Kristu.”)

Juan 12:46

Inumbe̍t tac iya lubung ngi, nga arig gac nga mangwada ka toley, tasun diya amin nga mamati iyaken, madi da agedyan iya gicbet tin.

Juan 3:34

Tutu met yan, ta ya nibon ne̍ Apu Diyus, kagiyen na diya kagi ne̍ Apu Diyus. Ta madi nipaidam ne̍ Apu Diyus to panange̍cde̍ na iya Ispiritu na igina.

Aramid 10:38

Ket emmu nu met pe̍ nga pinili ne̍ Apu Diyus nge̍ Je̍sus nga iNasare̍t nga nae̍cdan iya Ispiritu Santu se̍ iya pannakabalin na. Ket nagpaspasyar nge̍ Je̍sus nanipud ka Galilya, nga timultulung kadiya toley, se̍ pinalaing na pe̍ diya nasairuwan nga toley, ta uwed met nge̍ Apu Diyus igina.

Aramid 26:18

Ibon naka ngarud igida, tasun malasin dac gapu iya ibagam igida, tasun pe̍yeng nga e̍ Apu Diyus ya mangituray igidan, nga bekken nga e̍ Satanasin, se̍ tasun wada ya suruten dan, nga bekken nga ya gicbet tin. Ket iya agten iyan, mapakawan diya basbasul dan, gapu iya panamati da iyaken, se̍ maidga dan kadiya maibilang nga toley ne̍ Apu Diyus,’ kunen na iyaken.

Aramid 4:26

Nakasagana ngin diya ar-ari idi nga lubung, pati diya pangpangulu, Ket naguurnung da tasun kuntraen da kuma ya Apu se̍ ya Nibon na nga Kristu,’ kunen na.

Aramid 4:27

“Ket napatutuwan ngarud met yanin, Apu. Ta de̍ Ari He̍rude̍s nge̍ Punsiyu Pilatu, pati dito pada da nga bekken nga Hudyu se̍ met pe̍ diya iIsrae̍l, naguurnung da idi mettas nga siyudad, ket nagtutulagan da nga kuntraen da nge̍ Je̍sus, nga igina ya nalinteg nga Anac mu, nga pinilim nga Kristu.

Kulusas 1:13

Ta nisalakan nactida nge̍ Apu Diyus iya nagicbet nga turay niya dake̍c, ket niyalis nactidan nga niraman kadiya iturayan niya patpatgen na nga Anac.

Santiyagu 2:5

Tandaanan nu yani, patpatgec nga kakabsat: Diya ibilang diya toley nga napanglaw, itu met diyan diya pinili ne̍ Apu Diyus nga pangipaayan ka nabaked nga panamati, nga arig nga nabacnang da ka panamati da. Ket napili da pe̍ nga makipagtawid iya pannakairaman da kadiya iturayan ne̍ Apu Diyus, nga itu ya nikari na kadiya agayat igina.

1 Pe̍dru 2:9

Ngem dakayu, napili kayu nga toley ne̍ Apu Diyus, se̍ agsirsirbi kayu nga maipaay igina nga Ari tida. Dakayu pe̍ ya naibilang nga nasyun nga maipaay igina. Dakayu ngarud diya toley nga pinagbalin na nga dungdungnguwen na. Agten iyan ya nikeddeng ne̍ Apu Diyus, tasun dakayu kuma ya mangipakaemmu maipanggep iya kinadayaw na, nga igina ya nangisalakan dakayu iya arig nga gicbet, se̍ nisaad nakayun iya wada na nga nakaskasdaaw.