Lukas 4:15 - Ya Baru nga Tulag

¹⁵ Ket nangisursuru nge̍ Je̍sus kadiya gigimungan diya Hudyu antuni, ket dinayaw met diya amin nga toltoley.

Lukas 4:15 Iomraidhean Croise

Matyu 13:54

Ket ito nakadateng ito mismu nga ili na, nawe̍ nangisuru kadiya toltoley iya gigimungan da. Ket nasdaawan da ngarud iya panangisursuru na, ket kinunen da met, “Awac kid ya namettan niyan nga toley iya agten iyan nga sirib se̍ iya agten iyan nga pannakabalin na nga agariman ka nakaskasdaaw?

Matyu 4:23

Ket nawe̍ ngarud pinasyar ne̍ Je̍sus diya amin nga parte̍ niya prubinsiya nga Galilya. Ket nangisursuru kadiya gigimungan da, nga nikaskasaba na ya Makaparagsac nga Damag maipanggep iya nadiyusan nga panangituray. Ket pinalaing na pe̍ diya toley kadiya orey nagan na nga sakit winno kinakapsut da.

Matyu 9:35

Ket itun, nawe̍ pinasyar ne̍ Je̍sus diya amin nga il-ili se̍ purpuruc antuni. Nangisursuru kadiya gigimungan da, nga nikaskasaba na ya Makaparagsac nga Damag maipanggep iya nadiyusan nga panangituray, se̍ pinalpalaing na met diya uwed orey nagan na nga sakit winno kinakapsut niya beggi da.

Matyu 9:8

Ket ito nasingen diya toltoley yan, uwed ngarud ansing dan, ket nidaydayaw da nge̍ Apu Diyus gapu iyan nga nakaskasdaaw nga pannakabalin nga nipaay na ka toley.

Markus 1:27

Ket diya amin nga nakasingen iyan, nasdaaw da ngarud, itu nga kinunen da iya panagtetebbar da, “Kumaan ngata ya agten idi? Sabali met ya panursuru na. Nabileg pe̍ ya turay na, ta orey diya sairu, bilinen na da met, ket agtungpal da nga tutu igina!” kunen da.

Markus 1:39

Ket nawe̍ ngarud pinasyar ne̍ Je̍sus diya amin nga parte̍ niya prubinsiya nga Galilya, ket nangaskasaba kadiya gigimungan da, se̍ nangpatpatalew kadiya sairu kadiya toley nga linuganan da.

Markus 1:45

Ngem ito nakapanawin to lalaki, nawe̍ na lugud niawaawag to napasamac iginan. Ngarud, gapu ito panangipadamag na, madi met nakasrec nga silalatac nge̍ Je̍susin kadiya orey nagan na nga il-ili, no di lugud nagedyan nas iya awayin. Ket diya toltoley, nawe̍ da nga pe̍yeng iya edyan na, nga naggayat da kadiya amin nga luglugar antuni.

Lukas 13:10

Ito name̍nsan nga Algew Ngilin, nangisursuru nge̍ Je̍sus iya isa nga gigimungan diya Hudyu.

Lukas 4:16

Ket nakadateng met nge̍ Je̍sus enna Nasare̍t, nga itu to ili nga dimackellan na. Ket iya algew Sabadu, nawe̍ met iya gigimungan da, sigun iya gangey na kada Algew Ngilin. Ket nagsikad nge̍ Je̍sus nga mangibasa iya Bibliya.