Lukas 3:36 - Ya Baru nga Tulag

³⁶ To Se̍la, anac nito Kainan, to Kainan, anac nito Arpakad, to Arpakad, anac nito Se̍m, to Se̍m, anac nito Nue̍, to Nue̍, anac nito Lamec.

Lukas 3:36 Iomraidhean Croise

Lukas 17:27

Ta ito sacbay nito algew nga imuneg de̍ Nue̍ ito daung, nitultuluy ngas met dito toltoley to winangwangel da nga nangnangan, se̍ nagin-inum, se̍ nagaasawa. Ket pagamwan da, uwed met to layusin, ket itu ya nangpukaw igida nga aminin.

Lukas 3:35

To Nakur, anac nito Se̍rug, to Se̍rug, anac nito Ragaw, to Ragaw, anac nito Pe̍le̍g, to Pe̍le̍g, anac nito He̍be̍r, to He̍be̍r, anac nito Se̍la.

Lukas 3:37

To Lamec, anac nito Matusale̍m, to Matusale̍m, anac nito E̍nuc, to E̍nuc, anac nito Hare̍d, to Hare̍d, anac nito Mahalale̍e̍l, to Mahalale̍e̍l, anac nito Kainan.

He̍briyu 11:7

Ket to Nue̍ pe̍, gapu ta uwed panamati na, tinungpal na to bilin ne̍ Apu Diyus ito nilawag ne̍ Apu Diyus igina ya maipanggep kadiya banbanag iya maadpangan nga di na pekkem nas-asingen. Tinungpal ngarud nito Nue̍ nga situtudyu, ta inariman na to daung nga nakaisalakanan da nga sangapamilya ito layus. Ket gapu ito panagtungpal na nga situtudyu, naipakaemmu itun nga uwed met pakaukuman diya uwed idi nga lubung. Ket to Nue̍, gapu ta uwed panamati na, nibilang ne̍ Apu Diyus nga nalinteg.

1 Pe̍dru 3:20

Itu dito kararuwa dito toley nga madi nagtungpal e̍ Apu Diyus ito timpu nito Nue̍. Nit-iton ne̍ Apu Diyus nga siaanus ya panagbabawi da itun, ito ar-arimanen pekkem nito Nue̍ to daung. Ket walwalu ngas met dito toley nga naglugan ito daung, nga itu to nakaisalakanan da gapu ito danum.

2 Pe̍dru 2:5

Agten iyan pe̍ kadito nona nga toley idi nga lubung, ta madi da pe̍ nakalisi itun, ito linayus ne̍ Apu Diyus ya ginet nga pagedyanan dito toley nga madi agdayaw igina. Ito Nue̍, nga nangipakaemmu iya kinalinteg nga gabay ne̍ Apu Diyus, se̍ dito pitu nga kabulun na, igida ngas diya nisalakan ne̍ Apu Diyus ito layus.