Lukas 3:3 - Ya Baru nga Tulag

³ Itu nga nawe̍ to Juan kadiya amin nga luglugar nga denni iya wangag Hordan, nga nikasaba na nga masapul nga agbabawi diya toltoley, nga agpabautisar da, tasun maawat da kuma ya pannakapakawan diya basbasul da.

Lukas 3:3 Iomraidhean Croise

Matyu 3:11

“Ket iyaken ita, danum ya pamautisar ku dakayu gapu iya panagbabawi nu. Ngem uwed nad umbe̍t nga sumarunu iyaken nga dacdackel ya pannakabalin na ngem iyaken, ket di yac pe̍ maikari nga orey no mangabsin ngas iya palloka na para igina. Ket igina, ya Ispiritu Santu se̍ apuy met ya pamautisar na nad dakayu.

Lukas 1:16

Adu nad kadiya Israe̍lita ya pasoliyen na iya panamati da iya Apu nga Diyus da.

Lukas 1:77

se̍ tasun ipakaemmum kadiya toley ne̍ Apu Diyus ya maipanggep iya panangisalakan na igida. Itu mettin ya pannakapakawan diya basbasul da,

Lukas 4:1

Ket e̍ Je̍sus, naturayan iya Ispiritu Santu ito gayat ka wangag Hordan, ket niturung niya Ispiritu ka away.

Juan 1:28

Ket amin diyan nga napasamac, napasamac da enna ili nga Be̍tanya, iya demmang niya wangag Hordan nga pamacbautisaran nito Juan.

Juan 3:26

Dikad pe̍ dito adalan ne̍ Juan, nawe̍ da ngarud nagsaludsud igina nga kinunen da, “Mistru, malagip mu to toley nga nipakaemmum dakami itun nga nakibulun ikew enna demmang niya wangag Hordan itun? Ket mamacbautisar kanu met pe̍ yin ita, ket maw-awe̍ kanu igina diya amin nga toltoley!” kunen da.

Aramid 13:24

Ket sacbay niya panangirugi ne̍ Je̍sus ito gagara na, uwed pe̍ to Juan nga nangaskasaba kadiya amin nga Israe̍lita, nga kinunen na nga agpabautisar tida kuma nga agbabawi tida kadiya basbasul tida.

Aramid 19:4

Ket kinunen ngarud ne̍ Pablu, “To Juan, binautisaran na ngarud diya toley itun, no nagbabawi da kadiya basbasul dan. Ket kinagi na pe̍ nga masapul nga patiyen da pe̍ ya mod-odi ngem igina nga umbe̍t, ket itu nge̍ Je̍sus,” kunen na.

Aramid 22:16

Ket itan, madi ka agsagudadeng. Gumnukat kan, ta agpabautisar kan, se̍ ipakawan mu diya basbasul mu, nga awagam nga sitatalec ya Apu win,’ kunen ne̍ Ananyas iyaken.