Lukas 3:23 - Ya Baru nga Tulag

²³ Agtellu nga pulu ya dagun ne̍ Je̍sus ito nirugi na to gagara na. Ket sigun ito kunen diya toley, anac kanu met ne̍ Huse̍. Ket to Huse̍, anac nito E̍li.

Lukas 3:23 Iomraidhean Croise

Matyu 1:1

Idi ya listaan diya nagnagan diya toley nga kapuunan ne̍ Je̍su Kristu. Ket e̍ Je̍su Kristu, nagtaud iya kapututan nito Ari Dabid. Ket to Dabid, nagtaud iya kapututan nito Abraham.

Matyu 1:16

To Hakub, igina ya ama nito Huse̍, ket e̍ Huse̍, itu to asawa ne̍ Marya, nga ina mettas ne̍ Je̍sus. Ket e̍ Je̍sus, igina ya maawagan ka Kristu.

Matyu 1:6

To He̍sse̍, igina ya ama nito Ari Dabid. To Ari Dabid, igina ya ama nito Sulumun, nga anac nito asawa nito Uriyas.

Matyu 13:55

Di met anac nito allawagi yan? Di met e̍ Marya ya ina na? Se̍ kabsat na met de̍ Santiyagu, Huse̍, Simon se̍ e̍ Hudas?

Matyu 4:17

Ket nanipud itun, rinugiyan ne̍ Je̍sus ya mangaskasaba, nga kinunen na iya panangasaba na, “Agbabawi kayu ngarudin, ta dandani mettin ya panangituray niya Nailangitan,” kunen na.

Markus 6:3

Di met igina to allawagi, nga anac ne̍ Marya, se̍ ya kabsat mettas de̍ Santiyagu, Huse̍, Hudas se̍ Simon? Bekken kad nga aged-edyan idi nga ili tida diya kakabsat na nga babey?” kunen da, ket inumsi da ngas met nge̍ Je̍susin.

Lukas 2:48

Ket ito nasingen dito naganac igina, nasdaawan da met, ket kinunen nito ina na, “Ape̍ inariman mu yani dakami, iyong? Napalaus met ya danag mi nge̍ amam nga nangsapsapul ikew,” kunen na.

Lukas 3:31

To E̍lyakim, anac nito Me̍lya, to Me̍lya, anac nito Me̍na, to Me̍na, anac nito Matata, to Matata, anac nito Natan, to Natan, anac nito Ari Dabid.

Lukas 4:22

Ket amin dito naggigicna, ginabay da nge̍ Je̍sus, ket nasdaaw da ngarud kadito napaw-is nga kagkagi na. Ket kinunen da met iya panagtetebbar da, “Di met anac ne̍ Huse̍ yan?” kunen da.

Juan 1:45

Ket e̍ Pe̍lipe̍, nawe̍ na met sinapul nge̍ Natanye̍l, ket kinunen na igina, “Nasmac mi mettin to toley nga nisurat nito Muyse̍s iya libru na nga Linteg tida, se̍ to nisurat dito mammadtu pe̍. Itu met nge̍ Je̍sus nga iNasare̍t nga anac ne̍ Huse̍,” kunen na.

Juan 6:42

Ket kinunen da iya panagtagtagobotob da, “Di met itu nge̍ Je̍sus nga anac nito Huse̍? Em-emmu tida met ya ama se̍ ina na. Ape̍ ngarud nga kunen na ita nga inumbe̍t kanu nga gayat ka langit?” kunen da.

Aramid 1:1

Ito nona nga panagsurat ku ikew, Apu Tiyupilu, nipakaemmuc diya amin maipanggep kadiya winangwangel ne̍ Je̍sus, se̍ diya nisursuru na manipud ito damu nga nirugi na ya nagisuru,