Lukas 3:22 - Ya Baru nga Tulag

²² Ket nagpasegged met igina ya Ispiritu Santu nga sibebeggi, nga umasping ka kalapati. Ket uwed pe̍ nagicna nga timec antuni nga nagtaud ka langit, nga kinunen na, “Ikew ya Anac ku nga dungdungnguwec. Ikew ya pakaay-ayuwac,” kunen na.

Lukas 3:22 Iomraidhean Croise

Matyu 12:18

“Igina yani ya eb-ebbonec, nga pinilic. Igina ya patpatgec nga pakaay-ayuwac. Ibon ku nad ya Ispirituc nga mangbulun igina, ket ipakaemmu na kadiya bekken nga Hudyu ya nalinteg nga panagkeddeng ku.

Matyu 17:5

Ket ito madama pekkem nga agkagkagi nge̍ Pe̍dru, uwed met gayam nadarang nga ulep nga nangbugus igida. Ket uwed met pe̍ nagicna da nga timec nga gayat ito ulep, nga kinunen na, “Itu yani ya Anac ku nga dungdungnguwec. Igina ya pakaay-ayuwac. Ipangag nu ngarud ya kagi na!” kunen na.

Matyu 27:43

Agtalec kanu e̍ Apu Diyus. Ala, isalakan kuma ngarud ne̍ Apu Diyus ita ngi nin, no tutu nga magustuwan na yani. Ta kinunen kanu met nidi nga toley nga, ‘Anac nac nge̍ Apu Diyus,’ kunen na kanu met,” kunen da.

Matyu 3:13

Ket itun, inumbe̍t nge̍ Je̍sus antuni nga gayat ka Galilya. Ket nawe̍ met iya wangag Hordan, ito edyan ne̍ Juan, tasun agpabautisar igina.

Matyu 3:16

Ket kalpasan nito pannakabautisar ne̍ Je̍sus, gimacdang mettas nga sigida, ket pag-isu met nga arig nga nalukatan ya langitin. Ket nasingen na ya Ispiritu ne̍ Apu Diyus nga agpaspasegged nga agten iya kalapati, ket dinumsag met igina.

Matyu 3:17

Ket itun, uwed met timec nga nagicna antuni nga nagtaud ka langit, nga kinunen na, “Itu yani ya Anac ku nga dungdungnguwec. Igina ya pakaay-ayuwac,” kunen na.

Markus 1:11

Ket uwed pe̍ timec nga nagicna antuni nga nagtaud ka langit, nga kinunen na, “Ikew ya Anac ku nga dungdungnguwec. Ikew ya pakaay-ayuwac,” kunen na.

Markus 1:9

Ket itun nga timpu, inumbe̍t nge̍ Je̍sus antuni nga gayat enna Nasare̍t, nga isa nga ili ka prubinsiya nga Galilya. Ket binautisaran met ne̍ Juan enna wangag Hordan.

Markus 9:7

Ket uwed met ulep itun nga nangbugus igida. Ket uwed met pe̍ nagicna da nga timec nga gayat ito ulep, nga kinunen na, “Itu yani ya Anac ku nga dungdungnguwec. Ipangag nu ngarud ya kagi na!” kunen na.

Lukas 2:14

“Madaydayaw nge̍ Apu Diyus nga uwed iya kangatuwan nga edyan. Ket idi nga lubung, uwed kuma talna kadiya toltoley nga pakaay-ayuwan na,” kunen da.

Lukas 4:21

Ket itun, kinunen ne̍ Je̍sus igidan, “Idi nga naibasa nga gayat iya libru nito mammadtu nga nagicna nun, ket ita mettas nga algew, natungpal mettin,” kunen na.

Juan 1:32

Ket agten idi pe̍ to panangipakaemmu nito Juan maipanggep e̍ Je̍sus: “Nasingec ya Ispiritu ne̍ Apu Diyus nga simegged nga agten iya kalapati nga gayat ka langit, nga nakitipun igina.

Juan 12:28

Ket se̍ nikararag na, “Ama, ipasingem kay ya kinadayaw mun,” kunen na. Ket kalpasan niyan nga kararag na, uwed met nagicna antuni nin nga isa nga timec nga gayat ka langit nga kinunen na, “Nipaspasingec ngarudin ya kinadayaw kun, ket ipasingec mettas nad manin,” kunen na.

Juan 5:37

Ket ya Ama nga nangibon iyaken, igina mettas pe̍ ya nangipanecnec iya maipanggep iyaken. Ngem dakayu, pulus nga madi nu nipangag ya kagi na, se̍ madi nu pe̍ nasingen ya langa na.

Aramid 10:38

Ket emmu nu met pe̍ nga pinili ne̍ Apu Diyus nge̍ Je̍sus nga iNasare̍t nga nae̍cdan iya Ispiritu Santu se̍ iya pannakabalin na. Ket nagpaspasyar nge̍ Je̍sus nanipud ka Galilya, nga timultulung kadiya toley, se̍ pinalaing na pe̍ diya nasairuwan nga toley, ta uwed met nge̍ Apu Diyus igina.

Kulusas 1:13

Ta nisalakan nactida nge̍ Apu Diyus iya nagicbet nga turay niya dake̍c, ket niyalis nactidan nga niraman kadiya iturayan niya patpatgen na nga Anac.

1 Pe̍dru 2:4

Umadenni kayu kuma ngarudin iya Apu nga maiyarig ka sibibiyag nga batu. Ket idi nga batu, nitemsit ngas diya toley. Ngem iya panangibilang ne̍ Apu Diyus nga gennung, itu ya pinili na se̍ napateg igina.