Lukas 3:21 - Ya Baru nga Tulag

²¹ Ket agten idi to napasamac itun: Ito pannakabautisar dito adu nga toltoley, nairaman met pe̍ nge̍ Je̍sus nga nabautisaran. Ket ito agkarkararag pekkem nge̍ Je̍sus, arig met nga nalukatan ya langitin.

Lukas 3:21 Iomraidhean Croise

Matyu 14:23

Ket kalpasan nito panangpaawir na kadito toltoley, nanang-at nga is-isa ka tageytey, nga nawe̍ nagkararag. Ket ito gumicbet tin, uwed pekkem nge̍ Je̍sus nga agis-isa ito tageytey.

Lukas 5:16

Ngem masansan nga agpacni nge̍ Je̍sus, nga mawe̍ iya away, tasun agkararag.

Lukas 9:18

Ket ito name̍nsan, uwed nge̍ Je̍sus se̍ dito adalan na iya isa nga lugar nga awan matagtagitoley na, ket nagkarkararag nge̍ Je̍sus antuni ito ig-igidan. Ket kinunen na igida, “Nagan na ya pangipagarupan diya toley iyaken?” kunen na.

Juan 1:51

Ket kinunen manin ne̍ Je̍sus igida nga aminin, “Tutu met yani nga ibagac dakayu: Masingen nu nad nga aglukat ya langit. Ket diya anghe̍le̍s ne̍ Apu Diyus, masingen nu da nga ngumudu ka langit se̍ sumoli manin iya Anac nga Naipatoley,” kunen na.

Aramid 1:22

nanipud ito panangaskasaba nito Juan nga Mammautisar, patingga ito pannakaipangudu ne̍ Apu Je̍sus ka langit ito naipanaw dactida. Itu nga sapulen tida kuma ngarudin ya agten iyan nga toley, tasun uwed makitipun dakami nga mangipanecnec iya panagungar ne̍ Je̍sus,” kunen na.