Lukas 3:16 - Ya Baru nga Tulag

¹⁶ Itu nga kinunen ne̍ Juan igida nga amin, “Ket iyaken ita, danum ya pamautisar ku dakayu. Ngem uwed nad umbe̍t nga sumarunu iyaken nga dacdackel ya pannakabalin na ngem iyaken, ket di yac pe̍ maikari nga orey no mangukas ngas kadiya listun diya palloka na. Ket igina, ya Ispiritu Santu se̍ apuy met ya pamautisar na nad dakayu.

Lukas 3:16 Iomraidhean Croise

Matyu 3:11

“Ket iyaken ita, danum ya pamautisar ku dakayu gapu iya panagbabawi nu. Ngem uwed nad umbe̍t nga sumarunu iyaken nga dacdackel ya pannakabalin na ngem iyaken, ket di yac pe̍ maikari nga orey no mangabsin ngas iya palloka na para igina. Ket igina, ya Ispiritu Santu se̍ apuy met ya pamautisar na nad dakayu.

Matyu 3:12

Ta arig met nga ic-icman nan ya pagsap na ka in-gikan, ket urnungen na nad ya in-gikan na, se̍ na italipen iya alangin. Ngem ya essap nga gennung, ipoor na met ka apuy nga di pulus nga makusep,” kunen na.

Juan 1:26

Ket simungbat to Juan nga kinunen na, “No iyaken, danum ya pamautisar ku. Ngem uwed makibulubulun dakayun nga isa nga madi kayu met malasin.

Juan 1:27

Ket igina, orey sumarsarunu nad iyaken, madi yac pe̍ maikari nga orey no mangukas ngas iya listun niya palloka na,” kunen na.

Juan 1:33

Madi yac pe̍ emmu itun no nagan na yani nga nibon ne̍ Apu Diyus. Ngem e̍ Apu Diyus nga nangibon pe̍ iyaken nga mamautisar ka danum, ket kinunen na met iyaken itun nga, ‘Masingem nad ya Ispirituc nga sumegged nga makitipun iya isa nga toley. Ket itu yanin ya mamautisar ka Ispiritu Santu,’ kunen na iyaken.

Juan 7:38

Agten mettas iya kunen na iya Bibliya nga, ya mamati iyaken, uwed arig nga agubbug nga danum nga gayat nad iya uneg na nga mange̍cde̍ ka biyag,” kunen ne̍ Je̍sus.

Aramid 1:5

Ta to Juan, binautisaran nakayu ngarud ka danum itun, ngem iya di mabayag nga algew, uwed bautisar nu nga pannakaiyalubu niya Ispiritu Santu dakayu,” kunen na.

Aramid 10:44

Ket ito agkagkagi pekkem nge̍ Pe̍dru, inumbe̍t ya Ispiritu Santu nga nagedyan kadito amin nga aggigicna ito kagkagiyen ne̍ Pe̍dru.

Aramid 2:33

Naipangatu nge̍ Je̍susin nga nawe̍ iya madiwanan ne̍ Apu Diyus, nga itu ya kadayawan nga saad. Ket inawat ne̍ Je̍sus to nikari ne̍ Apu Diyus itun, nga itu ya Ispiritu Santu nga naiyalubu win dakami. Ket itu win ya masingsingen se̍ magicgicna nu ita.

1 Kurintu 12:13

Ta amin tida, Hudyu man winno bekken nga Hudyu, tagabu man winno bekken, ket agpapada tida nga nabautisaran nga nakikamkameng e̍ Kristu, gapu mettas iya is-isa nga Ispiritu Santu. Se̍ is-isa yani nga Ispiritu nga nae̍cde̍ dactida, nga arig nga is-isa ya naipainum dactida.