Lukas 3:14 - Ya Baru nga Tulag

¹⁴ Ket uwed da met pe̍ suldadu nga nagsaludsud igina, nga kinunen da, “No dakami, nagan ya masapul nga wanglen mi?” kunen da. Ket kinunen na igida, “Madi nu piliten nga alaken ya kuwarta diya orey nagan na, se̍ madi kayu pe̍ agbusid nga agpabasul ka toley tasun maalac nu ya kuwarta da. Basta mapnec kayu kuma ngasin iya suwildu nun,” kunen na.

Lukas 3:14 Iomraidhean Croise

Matyu 8:5

Ket ito nakadateng nge̍ Je̍sus ka Kape̍rnaum, uwed simabet igina nga isa nga kapitan suldadu niya gubiye̍rnu Ruma. Ket nagpacpakaasi to kapitan nga kinunen na,

Lukas 19:8

Ket enna baley ne̍ Sakiyu, ginumnukat nge̍ Sakiyu nga kinunen na iya Apu, “Agten idi nin ya wanglec kun, Apu: E̍cde̍c ya kagudduwa niya sansanicwac kadiya napanglaw. Ket ya orey nagan na nga sinikapac, ket mame̍npat met ya kaadu niya isolic igida,” kunen na.

Lukas 3:10

Ket dito naggigicna, nagsaludsud da met, nga kinunen da, “Nagan ngarud ya masapul nga wanglen min, tasun madi dumateng yan dakami?” kunen da.

Lukas 3:13

Ket kinunen ne̍ Juan igida, “No agsingir kayu ka buis, madi nu kuma ngarud labsan ya singiren nu ngem iya tumutup,” kunen na igida.

Aramid 10:7

Ket ito pimanawin to anghe̍l, uwed pinkawan ne̍ Kurne̍lyu nga duwa kadiya katulung na, se̍ isa nga katulungan na nga suldadu nga managdayaw pe̍ e̍ Apu Diyus.

Pilipus 2:15

tasun awan kuma pakapilawan winno pakapabasulan nu. Ket no agten iyan, awan dake̍c nga masingen dakayu iya imatang diya nakillu se̍ naalas nga toltoley idi nga lubung. Ngarud, an-anac nakayu nge̍ Apu Diyus, nga maiyarig kayu ka nasilap nga bitbituwen nga mangwada igida nga uwed iya gicbet.

Pilipus 4:11

Ket ibagac ngarud yani, ngem bekken nga gapu ka pagkurangac kadiya kasapulac, a. Ta nakairuwamac met ya aganggem iya orey nagan na nga kasasaad ku.

Titu 2:3

Ket diya bacbaket pe̍, ibagam igida nga ipasingen da kuma ya ugali nga maitutup iya panagbiyag niya agsirbi e̍ Apu Diyus. Madi da kuma agsadap, se̍ madi da nga age̍ng-e̍nglew, no di lugud masapul nga agisursuru da kadiya nabaru nga banbanag.

Paltiing 12:10

Ket nagicnac itun ya isa nga nabileg nga timec enna langit, nga kinunen na, “Nadatnganin ya panangipasingen ne̍ Apu Diyus iya panangisalakan na, se̍ ya pannakabalin na, se̍ ya panagari na. Se̍ naipasingen pe̍ yin ya turay nito nisaad na nga Kristu. Ta naidegsutin to pe̍yeng nga nangpabpabasul kadiya kakabsat tida, nga igina met to nangpabasul igida nga algew-gabi iya sangu niya Diyus tida.