Lukas 3:11 - Ya Baru nga Tulag

¹¹ Ket simungbat ngarud nge̍ Juan nga kinunen na, “Agten idi ya wanglen nu: Ya uwed duwa nga badu na, masapul nga e̍cde̍ na ya isa iya awan badu na. Se̍ ya uwed kanen na, masapul nga ibingayan na diya awan kanen na,” kunen na.

Lukas 3:11 Iomraidhean Croise

Matyu 25:40

“Ket kunen nad niya Ari igida, ‘Kinapudnu na, ito tinulungan nu ya orey isa kadiya agten kadiyan nga kanumuwan nga kakabsat ku, ket naibilang nga iyaken mettas ya tinulungan nu,’ kunen nad niya Ari.

Lukas 11:41

Dikad pe̍ no maipanggep iya e̍cde̍ nu nga limus, e̍cde̍ nu kuma sigun iya nabaru nga panpanunut nu. Ket no agten iyan ya wangwanglen nu, maibilang met nga nadalus para dakayu diya amin nga banbanagin.

Lukas 18:22

Ket ito nagicna ne̍ Je̍sus yan nga kunen nito pangulu, ket kinunen na igina, “Uwed pekkem mas isa nga masapul nga wanglem. Ilakum diya amin nga sansanicwam, se̍ ka iwaras ya paglakuwam kadiya napanglaw. Ket iya agten iyan, uwed nad kinabacnang mu ka langitin. Ket kalpasan niya panangiwaras mun, umbe̍t nac suruten nin,” kunen na.

Lukas 19:8

Ket enna baley ne̍ Sakiyu, ginumnukat nge̍ Sakiyu nga kinunen na iya Apu, “Agten idi nin ya wanglec kun, Apu: E̍cde̍c ya kagudduwa niya sansanicwac kadiya napanglaw. Ket ya orey nagan na nga sinikapac, ket mame̍npat met ya kaadu niya isolic igida,” kunen na.

Juan 13:29

Ket gapu ta e̍ Hudas to nagik-ikem iya laclakassa nga pupunduwan da ka kuwarta, pinagarup dito duduma kadito adalan no nibaga ne̍ Je̍sus igina nga mawe̍ kuma ngumina ka kasapulan da iya padaya, winno nibaga na nga mawe̍ kuma mange̍cde̍ ka kasapulan diya napanglaw.

Aramid 10:2

Ket orey bekken nga Hudyu nge̍ Kurne̍lyu, igina se̍ diya kabbalay na, managdayaw da met pe̍ e̍ Apu Diyus. Nakaasi pe̍ nga unay kadiya Hudyu nga napanglaw, se̍ managkararag pe̍ e̍ Apu Diyus.

Aramid 10:31

Ket kinunen nito lalaki iyaken, ‘Kurne̍lyu, inannamungan ne̍ Apu Diyus ya kararag mu, se̍ laglagipen na diya panangaasim kadiya makasapul.

Aramid 10:4

Ket nakam-amutleng ngarud nge̍ Kurne̍lyu ito anghe̍l, ta nakigtut mettin, ket kinunen ne̍ Kurne̍lyu, “Nagan na, apu?” kunen na. Ket kinunen nito anghe̍l, “Silalagip nge̍ Apu Diyus ikew, ta inannamungan na dito karkararag mu, se̍ emmu na pe̍ ya panangaasim kadiya makasapul.

E̍pe̍su 4:28

Ket no uwed dakayu ya isa nga mannanakew itun, pagpatinggaen nan ya panagtakew na. Ket agwangel kuma lugud nga sigagaget kadiya nabaru win, tasun uwed kuma maitulung na kadiya uwed kasapulan da.

1 Timutyu 6:17

Ket no maipanggep kadiya babacnang, ibagam igida nga di da kuma tumangsit gapu iya kinabacnang da. Ta napateg ngas idi nga lubung yan nga kinabacnang da, ket nalaka pe̍ nga mapukaw nad mettas. Bekken kuma nga itu ya namnamaen da, no di lugud e̍ Apu Diyus. Igina ya paggayatan diya amin nga pakaragsakan tida, nga igina met ya manage̍cde̍ kadiya amin nga kasapulan tida.

1 Timutyu 6:18

Itu nga ibagam igida nga wanglen da kuma nga pe̍yeng ya nabaru para kadiya makasapul, nga ibilang da kuma nga kinabacnang dan ya panangtulung da ka toley. Ngarud, managkaasi da kuma nga bekken nga nakirmet.

He̍briyu 6:10

Ta emmu tida nga gapu ta kustu ya pananglinteg ne̍ Apu Diyus, silalagip ngarud kadiya nabaru nga winangel nu. Ket se̍ silalagip pe̍ iya panagayat nu igina, nga ipasingen nu gapu iya panangtulung nu kadiya pada tida nga mamati, nga itu ya winangwangel nu itun, se̍ orey ita pe̍.

Santiyagu 1:27

Ngem no madi kayu makibiyang kadiya dake̍c nga ugali iya lubung ngi, se̍ no tulungan nu diya kackaasi nga ulila se̍ diya balu, ket e̍ Apu Diyus nga Ama tida, ibilang na nga napudnu se̍ awan mansa na ya panagdaydayaw nu.

Santiyagu 2:14

Nagan ya sirbi na, kakabsat ku, no kunen niya isa nga toley nga uwed kanu panamati na, ngem awan met wangwanglen na nga mangipasingen iya panamati na? Ya agten iyan nga panamati, bekken met nga pakaisalakanan na.

1 Juan 3:17

Ket no uwed makasingen iya kabsat na nga agkasapulan, ngem madi na kaasiyan orey uwed igina ya ikaasi na kuma, nalawag met nga bekken nga siaayat e̍ Apu Diyus.

1 Juan 4:20

Ngem no uwed agkunen nga ayaten na kanu nge̍ Apu Diyus, ngem kagura na met latta ya kapada na, agbusid met. Ta no madi na ayaten ya kapada na nga masingen na, madi met mabalin nga ayaten na nge̍ Apu Diyus nga madi na masingen.