Lukas 24:44 - Ya Baru nga Tulag

⁴⁴ Kalpasan na, kinunen na igida, “Itu yani to nibagac dakayu ito nakibulbulun nac pekkem dakayu itun, nga masapul nga matungpal amin nga naisurat maipanggep iyaken iya Linteg nito Muyse̍s se̍ kadiya liblibru dito mammadtu se̍ iya libru nga Salmu,” kunen na.

Lukas 24:44 Iomraidhean Croise

Matyu 1:22

Ket agten iyan ngarud ya napasamac itun, tasun matungpal to nipakagi niya Apu ito isa nga mammadtu nga kinunen na,

Matyu 16:21

Ket manipud itunin, nipalpalawag ne̍ Je̍sus kadito adalan na nga masapul nga mawe̍ ka He̍rusale̍m. Ket antuni, aglak-am nad kanu ka adu nga rigat gapu kadito panglakayen se̍ dito pangpangulu diya agsirsirbi iya Te̍mplu se̍ dito manursuru iya Linteg. Masapul nad met pe̍ nga mapatey, ket mapaungar nad mettas iya maikatlu nga algew.

Matyu 26:54

Ngem no agten iyan ya wanglec, madi ngarud matungpal to padtu nga naisurat iya Bibliya, nga masapul kanu nga mapasamac nga agten idi,” kunen na.

Matyu 26:56

“Ngem masapul met nga mapasamac amin didi nin, tasun matungpal kuma dito nisurat dito mammadtu iya Bibliya,” kunen na. Ket itun, nagtalew met dito amin nga adalan, nga binaybay-an da nge̍ Je̍susin.

Markus 9:31

ta madama nga mangisursuru kadiya adalan na. Ket kinunen na igida, “Ya Anac nga Naipatoley, maiyawat nad ngarud kadiya toley, ket patayen da met. Ket orey matey, agungar nad mettas kalpasan niya tellu nga algew,” kunen na.

Lukas 21:22

Ta itu yan ya timpu nad nga pannakadusa diya toltoley, tasun matungpal amin nga naisurat iya Bibliya maipanggep iyan nga timpu.

Lukas 22:37

Ta pudnu met nga ya mapasamac nad iyaken, itu nad ya pakatungpalan nito naisurat iya Bibliya nga masapul nga matungpal nga kunen na, ‘Ket naibilang met nga isa kadiya managdacdake̍c.’ Ta matungtungpal nga tutu win to naisurat maipanggep iyaken,” kunen na.

Lukas 24:46

Ket kinunen na igida, “Agten idi met ya naisurat iya Bibliya: Ya Kristu, masapul nga agrigat se̍ mapatey. Ngem agungar iya maikatlu nga algew.

Lukas 9:22

Ket kinunen pe̍ ne̍ Je̍sus igida, “Kinapudnu na, ya Anac nga Naipatoley, masapul nga aglak-am nad ka adu nga rigat. Ket guraen nad pe̍ diya panglakayen, se̍ diya pangpangulu diya agsirsirbi iya Te̍mplu, se̍ diya manursuru iya Linteg. Masapul met pe̍ nga mapatey, ket mapaungar nad mettas iya maikatlu nga algew,” kunen na.

Lukas 9:44

“Panunuten nu kuma nga nalaing yani nga ibagac dakayu: Tutu met nga maiyawat nad ngarud ya Anac nga Naipatoley kadiya toley nga mangukum igina,” kunen na.

Juan 3:14

“Ket ya Anac nga Naipatoley, maibayug nad met nga arig mettas nga ito panangibayug nito Muyse̍s ito sinan-malaga enna away itun.

Juan 5:39

“Dakayu, ad-adalen nu met diya naisurat iya Bibliya, gapu ta pagarupen nu nga itu ya pakaaskuran nu iya makae̍cde̍ ka biyag nga agnanayun. Ket ya kinapudnu na, diya naisurat iya Bibliya, itu mettas diya mangipanecnec maipanggep iyaken.

Juan 5:46

Tutu met nga agten iyan, ta no tutu nga namati kayu kuma kadiya nisursurat nito Muyse̍s, pinati dac ngarud met pe̍ yin. Ta maipanggep ngarud iyaken to nisurat na.

Aramid 13:33

Ket to kari na igida, natungpalin dactida nga kapututan da, ito pinagungar na nge̍ Je̍sus. Ta itu ya kaipapennan niya maikadduwa nga kanta iya libru nga Salmu, nga kunen na, ‘Ikew ya Anac ku. Ket ita nga algew, nagbalin nac nga Ama mun,’ kunen na.

Aramid 13:40

“Annadan nu kuma ngarud, ta kaynun no maariman dakayu dito kinagi dito mammadtu itun, nga kinunen da,

Aramid 2:27

Ta emmuc ngamin nga ikew, madi nac baybay-an iya pennan diya natey. Se̍ madi ka ipalubus nga maropsa ya beggic, iyaken nga dungdungnguwem nga agsirsirbi ikew.

Aramid 3:18

Ngem to napasamac e̍ Je̍sus itun, itu met ya panangipatungpal ne̍ Apu Diyus ito kinagi dito amin nga mammadtu itun. Ta nipaikagi met ne̍ Apu Diyus igida nga masapul nga agrigat ya Kristu nga ibon na.

Aramid 7:37

Ket e̍ Muyse̍s, igina met to nangasaba kadito am-ama tida nga Israe̍lita, nga kinunen na nga uwed manin kanu isa nga kapada da nga ibon nad ne̍ Apu Diyus igida nga mammadtu igida, nga agten mettas ito panangibon ne̍ Apu Diyus igina.

He̍briyu 10:1

Agten idi nin: To Linteg ne̍ Muyse̍s, bekken nga naan-anay, no di arig nga niniwing ngas diya nabaru nga banbanag nga sumarunu. Ta sigun ito Linteg, masapul nga dinagun nga mabaliwan ya panangidatun kadito agten mettas nga kita datun, nga awan panagpatingga na. Ngem madi met kabaellan nito Linteg nga pagbalinen nga awan pagkurangan niya kasasaad diya toley iya imatang ne̍ Apu Diyus, gapu kadiyan nga datdatun, orey agdaydayaw da igina.

He̍briyu 3:5

Ket to Muyse̍s, arig nga igina ya eb-ebbonen ne̍ Apu Diyus kadiya toley na itun. Ket nibilang met ne̍ Apu Diyus nga managtungpal to Muyse̍s ito panagsirbi na kadito amin nga toley nga naiyarig nga pamilya ne̍ Apu Diyus. Ket to Muyse̍s, igina ya nangipakaemmu ngas met itun maipanggep iya paibaga ne̍ Apu Diyus kadiya toley iya sumarunu nga timpu.

He̍briyu 7:1

Kaiyarigan ngarud ne̍ Je̍sus to Me̍lkise̍de̍c, ta to Me̍lkise̍de̍c, ket ari itun ka ili nga Sale̍m, se̍ mangibegbeggi pe̍ itun kadiya toltoley e̍ Apu Diyus nga Kangatuwan. Ket ito naggayat to Abraham nga nakigubat kadito duduma nga ar-ari nga inabac na, nawe̍ sinabet nito Me̍lkise̍de̍c. Ket nikararagan na ka pangpadayaw na ito Abraham iya imatang ne̍ Apu Diyus.

He̍briyu 9:8

Ket nalawag ngarudin ya isuru niya Ispiritu Santu dactida maipanggep kadiyan nga banbanag, nga agten idi: Bayat niya kauwed pekkem nito makin-ruwar nga parte̍ nito pagdaydayawan idi nga lubung, madi pekkem naipakaemmu kadiya toltoley no kumaan niya makauneg da kuma iya pudnu nga Kasantuwan nga Edyan.

1 Pe̍dru 1:11

Ginabay da ngarud nga emmuwen itun no nagan na se̍ no nungey nga mapasamac ya nipakaemmu niya Ispiritu ne̍ Kristu nga uwed igida, ito nipaipadtu na igida maipanggep iya pannakaparparigat ne̍ Kristu se̍ maipanggep iya pakaidayawan na kalpasan niya panagrigat na.

Paltiing 19:10

Itu nga nagdarongkeb bac ngarud ito sangu nito anghe̍l, tasun agdaydayaw wac kuma igina. Ngem kinunen na iyaken, “Bay-am yan! Ta kapada nac ngas nga agsirsirbi e̍ Apu Diyus. Kapada nac ngarud se̍ dito kakabsat mu nga mangipatpateg iya pudnu nga nipakaemmu ne̍ Je̍sus. E̍ Apu Diyus ngas met ya rumbeng nga pagdaydayawam!” kunen na. Ta ya pudnu nga nipakaemmu ne̍ Je̍sus, itu mettas ya banag niya ipacpakaemmu diya mangikaskasaba maipanggep igina.