Lukas 24:36 - Ya Baru nga Tulag

³⁶ Ket ito madama da pekkem nga mangis-istorya iyan, nagparang met nge̍ Je̍sus, nga gasisikadin iya nagtetengngaan da. Ket kimablaaw ngarud igida nga kinunen na, “Talna kuma ya uwed dakayu,” kunen na.

Lukas 24:36 Iomraidhean Croise

Matyu 10:13

Ket no tutu nga rumbeng diya bumaley iya kablaaw nu, maipaay kuma ngarud igida ya talna nga nikablaaw nu. Ngem no bekken da nga rumbeng, ket dakayu was met ya pakaipaayan niyan nga talna ngin.

Markus 16:14

Ket itun, nagpasingen pe̍ nge̍ Je̍sus kadito sangapulu ket isa nga adalan na, ito nagsasangu da nga mangmangan. Ket dinanengdengngan na da ngarud gapu ta di da gabay ya mamati, se̍ gapu ta nasukir da. Ta madi da met namati iya kagi dito nakasingen igina kalpasan nito panagungar na.

Lukas 10:5

“Ket no umuneg kayu iya isa nga baley, kumablaaw kayu nga mona, nga kunen nu, ‘Talna kuma ya uwed kadiya bumaley idi,’ kunen nu.

Juan 14:27

“Talna ya ibatic dakayu. Ket idi nga kinatalna nga ipaay ku dakayu, itu ya talna nga tumaud mettas iyaken. Ket yani nga ipaay ku dakayu, sabali iya ipaay diya uwed iya lubung. Dikad pe̍ madi kayu kuma ngarud madanagan winno masikuranin, se̍ madi kayu mansing.

Juan 16:33

“Nibagac didi dakayu ita, tasun gapu nad mettas iya panamati nu iyaken, uwed pekkem talna nu. Ta idi nga lubung, maparigatan kayu was met. Ngem agtalged kayu lugud, ta iyaken, inabac kun ya kinadake̍c nga uwed idi nga lubung!” kunen ne̍ Je̍sus.

Juan 20:26

Ket ito kalpasan makaduminggu, naguurnung manin dito adalan iya uneg niyan nga baley, ket kabulun da nge̍ Tumasin. Nalacweddan diya gagayangan, ngem inumbe̍t latta nge̍ Je̍sus, ket nagsikad manin iya nagtetengngaan da. Ket kinunen na, “Talna kuma ya uwed dakayu,” kunen na.

Aramid 1:3

Kalpasan nito pannakatey na, nagpaspasingen nge̍ Je̍sus igida ka unus eppat nga pulu nga algew, ket adu diya pammanecnec na tasun mapanecnekkan da nga tutu nga nagungarin. Nasingen da ngarud nge̍ Je̍sus, ket nilawlawag na igida ya maipanggep iya panangituray ne̍ Apu Diyus.

1 Kurintu 15:5

Ket ito name̍nsan nga algew itun, nagpasingen e̍ Pe̍dru. Se̍ ito name̍nsan manin, nagpasingen manin ito bungguy nito sangapulu ket duwa nga apustule̍s.

1 Kurintu 15:7

Ket se̍ nagpasingen pe̍ e̍ Santiyagu, se̍ nagpasingen pe̍ yin kadito amin nga naibilang nga apustule̍s na.

2 Te̍salunika 3:16

Sapay kuma ta ya Apu mettas nga paggayatan niya talna, e̍cdan nakayu kuma ka talna iya amin nga timpu se̍ iya amin nga kasasaad. Sapay kuma ta ya Apu ya uwed dakayu nga amin.

Paltiing 1:4

Iyaken nga Juan ya agsurat dakayu nga pitu nga bungguy diya mamati iya prubinsiya nga Asiya. Sapay kuma ta uwed dakayu ya siaayat nga asi, se̍ talna, nga gayat e̍ Apu Diyus, nga igina ya uwed ita, uwed itun, se̍ ya umbe̍t nad pekkem. Ket yan nga siaayat nga asi, se̍ talna, gayat met pe̍ iya agkapitu nga Ispiritu nga uwed iya sangu niya trunu nga pagturayan mettas ne̍ Apu Diyus,