Lukas 24:30 - Ya Baru nga Tulag

³⁰ Ket ito nagsasangu dan iya panganan, namet nge̍ Je̍sus iya tinapay, se̍ nagyaman e̍ Apu Diyus. Ket pinisey na, se̍ na niyawat igida.

Lukas 24:30 Iomraidhean Croise

Matyu 14:19

Ket nibilin ne̍ Je̍sus nga agtugew kanu diya toltoley ito karuutan. Ket nimet ne̍ Je̍susin dito lima nga tinapay se̍ duwa nga lames. Limangad ka langit ket nagkararag nga nagyaman e̍ Apu Diyus, se̍ na pinisepisey dito tinapay, se̍ na ne̍cde̍ kadito adalan na. Ket dito adalan, niwaras da kadito toltoley.

Matyu 15:36

Ket inalac na dito pitu nga tinapay, se̍ dito lames. Ket kalpasan niya panagyaman na e̍ Apu Diyus, pinisepisey na da, se̍ na ne̍cde̍ kadito adalan na. Ket dito adalan, niwaras da kadito toltoley.

Matyu 26:26

Ket ito mangmangan da pekkem, namet nge̍ Je̍sus ka tinapay, ket nagyaman e̍ Apu Diyus ka kararag. Pinisepisey na to tinapay, se̍ na ne̍cde̍ kadito adalan, nga kinunen na, “Alac nu yani, se̍ kanen nu. Idi ya beggic,” kunen na.

Markus 14:22

Ket ito mangmangan da pekkem, namet nge̍ Je̍sus ka tinapay, ket nagyaman e̍ Apu Diyus ka kararag. Pinisepisey na to tinapay, se̍ na ne̍cde̍ igida nga kinunen na, “Alac nu yani. Idi ya beggic,” kunen na.

Markus 6:41

Ket nimet ne̍ Je̍sus dito lima nga bukel nga tinapay se̍ duwa nga lames. Limangad ka langit ket nagkararag nga nagyaman e̍ Apu Diyus, se̍ na pinisepisey dito tinapay. Ket ne̍cde̍ na kadito adalan na, tasun iwaras da kadito toltoley. Ket biningabingay na met pe̍ dito duwa nga lames kadito amin nga toltoley.

Markus 8:6

Ket iya agten iyan, nibilin ne̍ Je̍sus kadito toltoley nga agtutugew dan. Ket inalac na dito pitu nga tinapay, ket kalpasan niya panagyaman na e̍ Apu Diyus, pinisepisey na, se̍ na ne̍cde̍ kadito adalan na, tasun iwaras da. Ket niwaras da ngarud to tinapay kadito toltoley.

Lukas 22:19

Ket namet pe̍ ka tinapay, se̍ nagkararag nga nagyaman manin e̍ Apu Diyus. Pinisepisey na to tinapay, se̍ na ne̍cde̍ igida nga kinunen na, “Idi ya beggic, nga mae̍cde̍ nga maipaay dakayu. [Agten idi nga pannangan ya wanglen nu kuma nga panangilagip nu iyaken,” kunen na.

Lukas 24:29

Ngem pinilit da nga kinunen da igina, “Ageppaw ka idi nin, ta gidamin, ket gumicbet pe̍ yin,” kunen da. Dikad nawe̍ ngarud nge̍ Je̍sus nga makidagus igida.

Lukas 24:35

Ket dito duwa, nipadamag da met pe̍ to napasamac igida ito nagpa-E̍maus da, se̍ nibaga da pe̍ no kumaan nito pannakailasin da e̍ Je̍sus ito nangpisey na ito tinapay.

Lukas 9:16

Ket nimet tin ne̍ Je̍sus dito lima nga tinapay se̍ duwa nga lames. Limangad ka langit ket nagkararag nga nagyaman e̍ Apu Diyus, se̍ na pinisepisey. Ket ne̍cde̍ na kadito adalan na, tasun iwaras da kadito toltoley.

Juan 6:11

Ket e̍ Je̍sus, nimet na dito tinapay, se̍ nagyaman e̍ Apu Diyus. Kalpasan na, pinaiwaras na to tinapay kadito nakatugew nga toltoley. Agten pe̍ iyan to namaayan na kadito lames. Ket nakaanay gayamin, ta nangan dito toltoley patingga ka nabsug da nga tutu.

Aramid 2:42

Nagaget da pe̍ nga nagpacpaisuru kadito apustule̍s. Ket pe̍yeng da nga nagtitipun, se̍ nagsasangu nga mangan se̍ agkararag.

Aramid 2:46

Nagkaykaysa da, ket inalgew da nga sangkabungguy nga nawe̍ aggigimung iya Te̍mplu. Nagkaykaysa da kadiya tunggal babaley da, nga pe̍yeng da nga nagtitipun nga nangan. Ket naragsac se̍ natunus ya panagbubulun da.

Aramid 27:35

Ket ito kinagi ne̍ Pablu yan, namet ka sangabukel nga tinapay, se̍ nagkararag nga nagyaman e̍ Apu Diyus iya imatang da nga amin, se̍ na pinisey nga nangan.