Lukas 24:19 - Ya Baru nga Tulag

¹⁹ Ket kinunen met latta ne̍ Je̍sus igida, “Ape̍? Nagan kad niyan?” kunen na. Ket simungbat da manin igina nga kinunen da, “Maipanggep ngarud kadiya amin nga napasamac ito Je̍sus nga iNasare̍t, itu ya sapsaput mi. Mammadtu met to Je̍sus, ket nabileg ya pannakabalin na nga nasingen kadiya winangel na se̍ kinagi na, bekken nas nga iya imatang diya toltoley, no di pe̍ iya imatang ne̍ Apu Diyus.

Lukas 24:19 Iomraidhean Croise

Matyu 21:11

Ket dito adu nga toltoley nga nakibulubulun e̍ Je̍sus, kinunen da met, “Igina yan nge̍ Je̍sus, nga itu to mammadtu nga taga-Nasare̍t enna prubinsiya nga Galilya,” kunen da.

Markus 1:24

Ket nipkaw na nga kinunen, “Je̍sus nga iNasare̍t! Nagan ngarud ya biyang mu dakami? Numbe̍t nakami kad pirdiyen? Em-emmu naka met! Ikew ya Nalinteg nga Ebbon ne̍ Apu Diyus!” kunen na.

Lukas 24:18

Ket ya isa igida nga agnagan ka Kliyupas, simungbat met e̍ Je̍sus nga kinunen na, “Madim kad emmu? Ikew was kid ya aged-edyan ka He̍rusale̍m nga madi makaemmu no nagan ya napaspasamac antuni kadito nagkallabes nga algew,” kunen na.

Lukas 7:16

Nasdaaw ngarud amin dito toley, ket nagdaydayaw da e̍ Apu Diyusin, nga kinunen da, “Uwed met nangatu nga mammadtu nga nagparang dactidan!” Se̍ kinunen da pe̍, “Sinacwaran nactida nge̍ Apu Diyusin!” kunen da.

Juan 3:2

Iya name̍nsan, ginabi nito Nikude̍mu ya nawe̍ iya edyan ne̍ Je̍sus. Ket kinunen na igina, “Mistru, emmu mi nga isa ka nga manursuru nga nibon ne̍ Apu Diyus. Ta awan makaariman kadiya nakaskasdaaw nga pagilasinan nga ar-arimanem, no awan igina nge̍ Apu Diyus,” kunen na.

Juan 4:19

Ket kinunen nito babey, “Ay, madlaw ku met apu, nga isa ka nga mammadtu.

Juan 6:14

Ket ito nailasin dito toltoley yan nga nakaskasdaaw nga inariman ne̍ Je̍sus, kinunen da iya panagtetebbar da, “Siguradu nga itu yani ya Mammadtu nga naipadtu nga umbe̍t iya lubung ngi!” kunen da.

Juan 7:52

Ket kinunen dito duduma igina, “Ahah! IGalilya ka pe̍ aya? Adalem nga nalaing diya naisurat iya Bibliya, ket maemmuwam ngarudin nga pulus nga awan mammadtu nga tumaud ka prubinsiya nga Galilya!” kunen da.

Aramid 10:38

Ket emmu nu met pe̍ nga pinili ne̍ Apu Diyus nge̍ Je̍sus nga iNasare̍t nga nae̍cdan iya Ispiritu Santu se̍ iya pannakabalin na. Ket nagpaspasyar nge̍ Je̍sus nanipud ka Galilya, nga timultulung kadiya toley, se̍ pinalaing na pe̍ diya nasairuwan nga toley, ta uwed met nge̍ Apu Diyus igina.

Aramid 2:22

Ket nituluy ne̍ Pe̍dru to panagpalawag na nga kinunen na, “Kapadpadac nga Israe̍lita, denggen nu kuma ya ibagac. No maipanggep e̍ Je̍sus nga iNasare̍t, nipakaemmu ne̍ Apu Diyus dactida ya nakaibonan na, ta uwed nipasingen na dakayu nga nakaskasdaaw, se̍ milagru se̍ pagilasinan. Ngem emmu nu diyanin, ta nasingen nu met dito nipawangel ne̍ Apu Diyus e̍ Je̍sus itun iya imatang nu mettas.

Aramid 7:22

Ket dito ie̍hiptu, nisuru da e̍ Muyse̍s amin nga sursuru da. Ket ito dimackel lin, adu ngarud ya kabaellan na ka kagi se̍ tarabaku.